Wengi ingkang diwastani lailatul qadar sanes wengi damel perayaan, seneng-seneng utawi pepesten nasib, ananging wengi ingkang kebak kemulyan. Antawisipun mandape poro malaikat termasuk malaikat Jibril kelawan izin saking Gusti Allah lan wonten wengi niku paring tambah keselametan ngantos metune fajar. Gusti Allah dawuh:
اِنَّآ اَنْزَلْنٰهُ فِيْ لَيْلَةِ الْقَدْرِ. وَمَآ اَدْرٰىكَ مَا لَيْلَةُ الْقَدْرِۗ. لَيْلَةُ الْقَدْرِ خَيْرٌ مِّنْ اَلْفِ شَهْرٍۗ. تَنَزَّلُ الْمَلٰۤىِٕكَةُ وَالرُّوْحُ فِيْهَا بِاِذْنِ رَبِّهِمْۚ مِنْ كُلِّ اَمْرٍۛ. سَلٰمٌ ۛهِيَ حَتّٰى مَطْلَعِ الْفَجْرِ
Artosipun: Saktemene ingsun wes nurunaken Al-Qur’an ing jerone lailatul qadar. Opotoh siro kabeh ngerti opo iku lailatul qadar? Yoiku wengi kamulyan ingkang luwih becik tenimbang sewu wulan. Wonten dalu niku poro malaikat lan malaikat Jibril sami mandap kelawan izine Gusti Allah kagem noto sedoyo urusan, tambahe keselametan hinggo metune fajar.
Keterangan bilih Al-Quran mandap ing njerone lailatul qadar nggih dipun sebatake wonten surat al-Dukhan ayat 3:
اِنَّآ اَنْزَلْنٰهُ فِيْ لَيْلَةٍ مُّبٰرَكَةٍ اِنَّا كُنَّا مُنْذِرِيْنَ
Artosipun: Saktemene ingsun wes nurunake (Al-Quran) ing jerone wengi kang kebak barokah (diberkahi). Saktemene ingsun kang paring peringatan.
Hadirin, kedah kito mangertosi bilih pepertelan wengi kamulyan mboten sanes damel semangat umat Islam supados ngatahaken ibadah ing sepuluh akhir wulan Ramadhan kanti tenanan. Amargi wengi kamulyan (lailatul qadar) mboten wonten tiyang ingkang saget nyumerapi. Menawi wonten tiyang ingkang paring tondo utawi pepesten dumawahe lailatul qadar, mongko meniko saking peningal lan ikhtiyar piyambake kemawon.
BACA HALAMAN BERIKUTNYA..
