Diriwayatkan saking Abdurrahman bin Abu Bakrah RA. bilih Nabi shallallahu ‘alaihi wa sallam bersabda,
خَيْرُ النَّاسِ مَنْ طَالَ عُمُرُهُ وَحَسُنَ عَمَلُهُ، وَشَرُّ النَّاسِ مَنْ طَالَ عُمُرُهُ وَسَاءَ عَمَلُهُ
Artosipun: “Saksae-saene manungsa inggih punika ingkang panjang umuripun lan amalanipun. Lan sakawon-awone manungsa inggih punika tiyang ingkang panjang umuripun lan awon amalanipun.” (HR. Ahmad, at-Tirmidzi lan al-Hakim, lihat shahih al-Jami’ no. 3297)
Hadits kasebat saged kita dadosaken penimbang kangge naker keberhasilan ibadah siyam kita. Punapa ak sampunipun siyam ibadah kita saya sae utawi saya awon? Bilih ternyata semakin s positif, berarti Allah SWT meridhai siyam kita.
Nanging bilih dereng wonten tanda-tanda tumuju langkung sae, kedah enggal kita dandosi. Amargi Allah SWT mboten badhe ngerubah nasib salah setunggaling tiyang, kejawi tiyang punika piyambak ingkang usaha. Amargi saestunipun kadar kesaenan tiyang punika kados hadits ing wonten ing inggil menika tergantung amal saenipun, sanes ing umuripun.
Jama’ah jum’ah rahimakumullah..
Wonten salah setunggal hadits Rasulallah SAW nate njlentrehaken bilih kelebet kesaenan punika inggih punika mindah carang (duri) ing tengahing margi, maos dzikir ing lebeting manah, lan berjihad nglawan musuhipun agami.
Nanging wonten lebetin sasi Syawal kesaenan punika langkung gadhah makna bilih kita midherek sabda Rasulullah SAW.
اسرع الخير ثوابا البر و صلة الرحم واسرع الشر عقوبة البغي و قطيعة الرحم
Artosipun: Perkawis ingkang enggal ndugikaken kesaenan inggih punika pahala kesaenan lan silaturrahim, lan ingkang paling enggal ndugikaken keawonan inggih punika prakawis awon lan medhotaken sesambetan (keluwargi) silaturrahim. (HR. Ibnu Majah)
Mekatenlah pentingipun silaturrahim menggahipun Islam, ngantos dipunposisikaken dados setunggaling amal ingkang paling cepet angsal pahala lan kesaenan. Malahan menawi dipunhubungaken kaliyan hadits ing inggil ingkang bahas panjangipun umur mila hadits punika cocok sanget.
Amargi umur panjang inggih punika salah setunggal hikmah ingkang diparingaken dhateng tiyang ingkang sregep silaturrahim.
BACA HALAMAN BERIKUTNYA..
