Lebeting al-qur’an, perintah supados takwa dhateng Allah SWT katah sanget. Perintah punika ugi kathah ingkang sesarengan kaliyan pinten-pinten perintah kangge terus merkiyat dhiri lebeting ngibadah lan peparek dhateng Allah SWT. Sedaya menika dalam rangka nglampahaken perintah lan nebihi larangan-ipun. Ing antawisipun kados dipunsebataken wonten serat al-Hasyr ayat 18:
يَٰٓأَيُّهَا ٱلَّذِينَ ءَامَنُوا۟ ٱتَّقُوا۟ ٱللَّهَ وَلْتَنظُرْ نَفْسٌ مَّا قَدَّمَتْ لِغَدٍ وَٱتَّقُوا۟ ٱللَّهَ إِنَّ ٱللَّهَ خَبِيرٌۢ بِمَا تَعْمَلُونَ
Artosipun: “Wahai wong-wong kang beriman! Takwao marang Allah lan hendaklah saben wong nggatekake apa kang wis diperbuate kanggo dina ngesuk (akhirat), lan takwao marang Allah. Setuhune, Allah maha teliti karo apa kang siro kerjakake.”
Ayat punika ngemutaken kita supados senantiasa bertaqwa dhateng Allah ngiras terus nglampahaken evaluasi, muhasabah utawi introspeksi dhiri kelawan ningali punapa ingkang sampun kita lampahaken ing masa rumiyin lan mersiapaken masa ngajeng supados langkung sae saking dinten punika.
Lampahan punika saged dados wujud syukur atas karunia ingkang sampun dipunparingaken Allah dhateng kita amargi kita taksih diparingi kesempatan kangge gesang ing donya ngantos tahun punika.
Mugi-mugi kelawan syukur punika, nikmat Allah bakal terus dipuntambah dhateng kita arupi karunia dipun-dawakaken umur kita dening Allah sehingga kita saged terus ngibadah lan tumindak sae ing ndalem gesang wonten alam donya.
Ma’asyiral muslimin jamaah shalat jemuwah rahimakumullah,
Ing ndalem ayat punika ugi dipunsebataken bilih termasuk tiyang-tiyang ingkang takwa inggih punika tiyang ingkang tansah ngitung lampahanipun piyambak, punapa cocog kalih piwucalan agami punapa dereng.
Sehingga, menawi kita langkung kathah nglanggar larangan Allah, mila kedahipun kita usaha nutupi kelawan amal-amal saleh.
Ayat punika ngutus manungsa supados tansah mawas dhiri, ngitung-ngitung sedaya ingkang sampun lan ajeng dipunlampahi saderengipun Allah sumerap ing akhirat mangke.
BACA HALAMAN BERIKUTNYA..
