Hadits meniko negesaken tumindak bagus dumateng bocah yatim lan sodaqah arupi paring daharan tiyang miskin niku kautamane saget nyebabaken penggalih ingkang atos dados empuk.
Saking lelampahan niku antawisipun tiyang ingkang paring sodaqoh lan bocah yatim ugi fakir miskin saget nyukulaken raos welas asih lan trisno.
Jamaah Jumat Rahimakumullah
Kedah kito mangertosi kito sedoyo gesang wonten dunyo meniko mboten lami, langkung sae malih kito sedoyo nggadah raos welas dumateng bocah yatim lan fakir miskin.
Amergi dungo kekalihipun inggal dipun sembadani kaliyan Gusti Allah. Menowo saking kawelasan lan raos wigati meniko kito ugi dipun welasi lan ngapuro kaliyan Gusti Allah.
Ngusap sirah bocah yatim sejatosipun dados perlambang welas asih antawisipun tiyang sepuh dumateng bocah alit, lan trisnane bocah marang bopo. Leres nopo ingkang dipun dawuhaken ing setunggale hadits riwayat saking Ibn Abbas:
عَنْ ابْنِ عَبَّاسٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لَيْسَ مِنَّا مَنْ لَمْ يَرْحَمْ صَغِيرَنَا وَيُوَقِّرْ كَبِيرَنَا وَيَأْمُرْ بِالْمَعْرُوفِ وَيَنْهَ عَنْ الْمُنْكَرِ
Artosipun: Diriwayataken saking Ibn Abbas, piyambake dawuh, Rasulullah ngendiko: Ora kelebu golongan ingsun, wong kang ora welas marang bocah cilik, ora ngajeni wong sepuh, ora ngajak marang kebagusan, lan ora nyegah kemungkaran. (HR. Tirmidzi)
BACA HALAMAN BERIKUTNYA..
