Fadhilah salajengipun, saking Abu Hurairah (Sahabat Nabi Muhammad SAW), Rasulullah Saw bersabda, “sinten tiyangipun siyam ing tanggal 27 rejeb, Allah nyatet kados tiyang ingkang siyam salami 60 sasi.”
Bahkan, wonten riwayat ingkang nyebat, menawi siyam salami 7 dinten ing sasi Rejeb mila bakal nutup lawang neraka kangge piyambakipun. Menawi siyam 8 dinten mila bakal mbikak 8 lawang suwarga kangge piyambakipun. Menawi siyam 10 dinten mila bakal mbusek dosa-dosanipun lan dipun-gantos kaliyan kesaenan.
Menika lah ing antawis fadhilah siyam ing sasi rejeb, taksih kathah malih keutamaan-keutamaan kangge tiyang ingkang siyam ing sasi rejeb.
Pertanyanipun, kapan wekdal ingkang leres kangge siyam rejeb? Bab menika mboten wonten ketentuan. Angsal siyam ing awal, tengah, utawi ing akhir Rejeb. Angsal siyam 1 dinten, 7 dinten, 10 dinten, utawi siyam ing dinten senen lan kemis. Angsal sadinten siyam sadinten mboten utawi dipunsebat siyam dawud. Ingkang mboten dipunkengingaken inggih menika siyam rejeb salami 1 sasi kebak.
Jamaah shalat jemuwah hafidhakumullah
Salajengipun, ingkang perlu kita lampahaken ing sasi rejeb menika inggih menika merhatosaken sholat 5 wekdal. Setunggal-setunggalipun ibadah lebet Islam ingkang mboten medal perantara wahyu lan malaikat jibril inggih menika sholat.
Sholat inggih menika perintah langsung saking Allah dhateng Nabi Muhammad SAW. Ingkang majeng Allah Swt inggih menika ruh lan jasad Nabi Muhammad SAW.
Menika nedahi dhateng umatipun menawi sejatosipun sholat inggih menika kesempatan jene kepanggih langsung kaliyan Allah. Nanging anehipun, kita menika langkung bingah kepanggih pejabat tinimbang kang nyiptaaken jagad.
Kita langkung bingah kepanggih kaliyan DPR, Menteri, Presidhen nanging kala wekdalipun sholat, wekdalipun kepanggih kaliyan Allah kita rumaos biasa-biasa mawon. Malah kita asring nilaraken sholat amargi sibuk kaliyan urusan duniawi.
Kirang menapa, Allah SWT sampun maringi kesempatan dhateng umat Nabi Muhammad kangge omong-mongan langsung kaliyan Allah kaping 5 lebet sadinten ndalu.
Jamaah shalat jemuwah rahimakumullah
BACA HALAMAN BERIKUTNYA..
