Artosipun: Anging pestine sah-e piro-piro amal niku saking niyate, lan saben awak-awakan niku dipun tingali saking nopo-nopo ingkang diniati, sopo wonge hijrahe marang Gusti Allah lan Rasule, mongko hijrahe marang Gusti Allah dan Rasule, lan sopo wonge hijrohe krono dunyo utawi tiyang istri kang bakal dinikahi, mongko hijrahe tumuju marang perkoro kang diniati. (HR. Bukhari, Muslim)
Wonten Syarah Arbain anggitane Ibnu Daqiq mertelaaken bilih hadis meniko salah setunggale punjere Islam. Imam Syafii lan Imam Baihaqi dawuh bilih hadis kasebat kalebet sepertelune ilmu. Amergi pitung puluh bab fikih melebet wonten hadis niki.
Hadirin Ingkang Minulyo
Hadis meniko ngimutaken dateng kito tiyang muslim kedah noto niat sae nalikane hijrah, keranten sedoyo tindak lampah ingkang angsal ganjaran agung meniko saking niatipun piyambak-piyambak. Kanjeng Nabi dawuhaken makna hijrah nggih meniko:
الْمُسْلِمُ مَنْ سَلِمَ الْمُسْلِمُونَ مِنْ لِسَانِهِ وَيَدِهِ وَالْمُهَاجِرُ مَنْ هَجَرَ مَا نَهَى اللَّهُ عَنْهُ
Artosipun: Tiyang Islam niku tiyang ingkang nyelametaken tiyang Islam lintu saking lisan lan tangane, tiyang hijrah niku tiyang ingkang ninggal larangane Gusti Allah. (HR. Bukhari, Abu Dawud)
BACA HALAMAN BERIKUTNYA..
