Ing dalu punika kedahipun kita saestu usaha kangge ningkataken ketakwaan dhateng Allah, baik kaliyan cara shalat, berzikir, ndonga, lan ibadah-ibadah sanesipun. Keranten, ing dalu punika Allah SWT badhe ngutus para malaikat pencatat takdir kangge memperbaharui cathetan takdir kita sedaya.
Lebet setunggaling hadits, Nabi nate njlentrehaken dhateng Sayyidah Aisyah menawi dalu nisfu sya’ban inggih punika dalu dipunserat piyambakipun takdir-takdir manungsa salami setahun,
عَنْ عَائِشَةَ، عَنِ النَّبِي ﷺ قَالَ: هَلْ تَدْرِيْنَ مَا هَذِهِ اللَّيْلَة؟ قَالَتْ: مَا فِيْهَا يَا رَسُوْلَ اللهِ؟ فَقَالَ: فِيْهَا أَنْ يُكْتَبَ كُلُّ مَوْلُوْدِ بَنِي آَدَمَ فِي هَذِهِ السَّنَةِ، وَفِيْهَا أَنْ يُكْتَبَ كُلُّ هَالِكٍ مِنْ بَنِي آدَمَ فِي هَذِهِ السَّنَةِ، وَفِيْهَا تُرْفَعُ أَعْمَالُهُمْ، وَفِيْهَا تَنْزِلُ أَرْزَاقُهُمْ
Artosipun: “Saking aisyah, saking Nabi Muhammad, piyambak-ipun nate tanglet: ‘Opotoh siro ngerti ono opo karo wengi iki (nisfu sya’ban)?’ Sayyidah Aisyah lajeng wangsuli: ‘Wonten nopo wahai Rasulullah?’ Lajeng Nabi njawab: ‘Nang jerone Nisfu Sya’ban ditulis kabeh bocah kang dilairake saka keturunan Nabi Adam ing tahun iki. Ing wengi iku ditulis kabeh wong kang cilaka saka keturunan Nabi Adam ing tahun iki. Ing wengi iku (uga) diangkat kabeh amal (perbuatan) dheweke kabeh, lan ing wengi iku diudhunake rezeki dheweke kabeh.” (HR al-Baihaqi).
Ma’asyiral muslimin rahimakumullah
Pramila sumangga sampun sia-siakaken dalu kasebat, sampun ngantos dalu punika kita lewati ngoten mawon, tanpa wonten manfaat lan keberkahan ingkang saged kita angsal ing lebetipun.
Sumangga kita sami-sami ndonga lan nyuwun dhateng Allah supados dipunampuni sedaya dosa, digampangkan sedaya urusan kita, dipun-gampilaken sedaya kekajengan, lan dipunserat dados warsa ingkang berkah.
Mboten namung punika para jamaah, ing dalu nisfu sya’ban Allah merhatosaken sedaya makhluk-ipun, lajeng maringi ampunan dhateng piyambakipun sedaya, kejawi tiyang-tiyang menyekutukan-ipun lan bermusuhan kaliyan sadherekipun.
BACA HALAMAN BERIKUTNYA..
