Judi online sampun mlebet dhateng sedaya kalangan utawi golongan, estu mboten sakedhik tiyang ingkang banda bendanipun telas, mboten sakedhik tiyang ingkang kejiret utang, ugi mboten sakedhik tiyang ingkang kendel saking pandamelanipun amargi judi online.
Malah wonten ing ingkang rumah tangganipun bibrah gara-gara judi online, ingkang estri nyuwun cerai amargi ingkang jaler hobi judi online, lare putus sekolah amargi Bapakipun hobi judi online.
Kasunyatanipun judi online sampun ngrambah dhateng putra wayah kita. Judi online ugi tumut saha ngrambah dhateng ibu-ibu rumah tangga, lare-lare nemneman, malah judi online sampun dados dhayoh agung ingkang dipunentosi.
Langkung miris malih, tiyang ingkang kepingin menang judi mboten namung ngentosi dinten, nanging piyambakipun tanglet lan pados nomer ingkang badhe dipasangi togel.
Jama’ah shalat jum’at ingkang dirahmati Allah,
Punapa kita mboten ngertos menawi Allah subhana wata’ala sampun berfirman lebeting al Qur’an:
يٰٓاَيُّهَا الَّذِيْنَ اٰمَنُوْٓا اِنَّمَا الْخَمْرُ وَالْمَيْسِرُ وَالْاَنْصَابُ وَالْاَزْلَامُ رِجْسٌ مِّنْ عَمَلِ الشَّيْطٰنِ فَاجْتَنِبُوْهُ لَعَلَّكُمْ تُفْلِحُوْنَ
He wong kang padha pracaya! Satemene ngombe omben-omben, judi, (nyembeleh) brahala, lan undhi nganggo panah, iku tumindak nistha lan kalebu tumindake syetan. Mula nyingkiri (tumindak) kuwi supaya dadi bejo. (QS. al-Ma’idah ayat 90)
Hadirin jamaah jumah rahimakumullah
Lebet ayat punika Allah sampun teges bilih ombe khomer, berjudi, berkurban kangge berhala utawi tumbal utawi sesajen lan mengundi nasib kaliyan panah punika termasuk dosa, kelebet lampahan keji lan lampahan setan.
BACA HALAMAN BERIKUTNYA..
