KHUTBAH JUMAT PERTAMA
الْحَمْدُ ِللَّهِ الَّذِى كَرَّمَ بَنِى آدَمَ وَفَضَّلَهُمْ عَلَى كَثِيْرٍ مِنَ الْمَخْلُوْقَاتِ. أَشْهَدُ أَنْ لآ إِلٰهَ إِلاَّ اللَّهُ وَحْدَهُ لاَشَرِيْكَ لَهُ كَامِلُ الْأَسْمَاءِ والصِّفَاتِ. وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الْمُصْطَفَى مِنْ جَمِيْعِ الْبَرِيَّاتِ. اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى أٰلِهِ وَصَحْبِهِ الَّذِيْنَ فَضَلُوْا الْأُمَّةَ بِالْعُلُوْمِ النَّافِعَةِ وَالْأَعْمَالِ الصَّالِحَاتِ
أَمَّا بَعْدُ: فَيَاعِبَادَ اللَّهِ ، إِتَّقُوا اللَّهَ مَا اسْتَطَعْتُمْ بفِعْلِ المَأمُوْراتِ وَاجْتِنَابِ المُحَرَّمَاتِ لَعَلَّكُمْ تُفْلِحُوْنَ
Jamaah shalat Jum’at hafidhakumullah,
Mangga sareng-sareng ningkataken taqwAllah, ajrih dumateng ngarsonipun Allah, kanti nindaaken sedaya printah-printahipun saha nebihi sedoya awisan-awisanipun, supados kita sedaya manggehaken kawilujengan saha kebahagiaan wonten ing dunyo ngantos akhiratipun.
Syawwal meniko basa arab saking akar kata syala yasyulu syaulan, engkang maknanipun luhur utawi dados inggil. Dados, Syawwal mengku harapan sak sampunipun nampi pelatihan lan gemblengan wonten wulan Ramadan, kita saget ningkataken kualitas keimanan saha kuantitas amal kesaenan. Tundonipun, kita kalebet golonganipun tiyang-tiyang engkang beruntung lan mulyo menggahipun Allah.
Islam perintah dateng kita supados anjogo lan ningkatken amal sae hasil saking gemblengan wulan Ramadhan. Kagem anjogo kemenangan sak sampunipun Ramadhon, ngoptimalaken amal kesaenan wonten wulan Syawwal meniko wajib kita tindaaken.
Jamaah shalat Jum’at hafidhakumullah,
Kathah amal sae engkang dipun sunnahaken kita tindaaken wonten wulan Syawwal meniko, ing antawisipun:
1. Bayar Zakat Fitrah
Rangkaian ibadah selami Ramadhan kita sampurnaaken kanthi bayar zakat fitrah. Imam Waki’ bin Jarrah, gurunipun imam As-Syafi’i, ngibarataken zakat fitrah sami kalian sujud sahwi:
زَكَاةُ الْفِطْرِ لِشَهْرِ رَمَضَانِ كَسَجْدَةِ السَّهْوِ لِلصَّلَاةِ. تَجْبُرُ نَقْصَ الصَّوْمِ كَمَا يَجْبُرُ السُّجُوْدُ نَقْصَ الصَّلَاةِ. (إعانة الطالبين الجزء الثاني ص 167)
“Zakat fitrah kanggone wulan Ramadhan iku koyo sujud sahwi kanggone sholat. Zakat fitrah nambal kekurangane poso koyo dene sujud sahwi nambel kekurangane sholat.”
BACA HALAMAN BERIKUTNYA..
