Kerabat lan sahabat engkang tebih ugi dipun sempataken maringi ucapan selamat Idul Fitri kanthi ngagem telpon utawi angginaaken media sosial.
5. Menghibur diri kanthi hiburan engkang halal
Prayogi menawi kita mboten ngaromaken guyonan engkang mubah, permainan engkang halal, hiburan engkang halal, saha nasyid-nasyid islami engkang saget menghibur jiwa lan anggugah gairah jiwa kita. Kathah riwayat hadist engkang anjelasaken bilih Kanjeng Nabi mboten ngelarang nyanyian lan permainan, ngantos panjenenganipun nate dawuh:
لِتَعْلَمَ الْيَهُوْدُ وَالنَّصَارَى أَنَّ فِي دِيْنِنَا فُسْحَةً إِنِّى أُرْسِلْتُ بِحَنِيْفَةٍ سَمْحَةٍ. (رواه أحمد)
“Supoyo wong Yahudi lan Nasrani podo ngerti yen temen ana sak njerone agama kita ana kelonggaran. Temen, aku diutus kanthi anggowo agama kang lurus lan moderat.”
6. Silaturrohim dateng poro kerabat lan tonggo
Wulan Syawwal meniko momentum engkang tepat sanget kagem silaturrohim lan sungkem bekthi dateng tiyang sepuh, sanak raket, tanggi tepalih lan tetepangan, utaminipun dateng tiyang engkang langkung sepuh usianipun. Malah-malah wonten engkang mastani wulan Syawwal meniko wulan silaturrohim kranten kataha-katahaipun kober ipun nggih wanci Syawal kados mekaten. Silaturrohim meniko nepung utawi nyambung kefamilian (kekerabatan).
Sedaya ulama’ sepakat hukumipun wajib lan ninggalaken ketatrapan dosa ageng. Adedasar firmanipun Allah:
وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ ۚ إِنَّ اللَّهَ كَانَ عَلَيْكُمْ رَقِيبًا
Ugi dawuhipun Kanjeng Nabi saw:
لَا يَدْخُلُ الجَنَّةَ قَاطِعٌ. قَالَ سُفْيانُ في رِوايَتِهِ: يَعْني: قَاطِعَ رَحِمٍ
“Ora bakal mlebu suwargo wong kang medot paseduluran.”
Allah bade nibaaken azab langsung wonten dunya kagem tiyang engkang medot kekerabatan (paseduluran). Kanjeng Nabi SAW dawuh:
مَا مِنْ ذَنْبٍ أَجْدَرُ أَنْ يُعَجِّلَ اللَّهُ لِصَاحِبِهِ الْعُقُوبَةَ فِي الدُّنْيَا مَعَ مَا يَدَّخِرُ لَهُ فِي الآخِرَةِ مِنَ الْبَغْيِ وَقَطِيعَةِ الرَّحِمِ
“Ora ono doso kang pantes dicepetne Allah siksone ono donyo serto siksane neng akhirat, tinimbang dholim lan medot paseduluran”.
Wonten era kecanggihan lan keterbukaan kados sak mangke, silaturrohim saget dipun wujudaken kanthi ketemu fisik, kirim hadiah lan ugi saget lewat media sosial. Pramilo mboten wonten alasan engkang dipun tampi kita mutus pasederean, kathah coro kita tetep saget sambung kalian poro kerabat kita.
7. Poso enem dino
BACA HALAMAN BERIKUTNYA..
