Haji minongko latihan sekaligus praktik songko kesabaran, nanggung macem-macem kesulitan lan ngadepi macem-acem masalah kehidupan supados angsal derajat ingkang tinggi lan merkoleh suwargo ingkang dipun sediaaken kangge tiyang-tiyang ingkang takwa.
Poro sederek kawulo ingkang seiman, naliko jutaan jamaah haji maos kalimat talbiyah (لَبَّيْكَ اللّٰهُمَّ لَبَّيْكَ), meniko ngemutaken kito dateng dahsyatipun peristiwa dino kiamat naliko menungso dipun kempalaken wonten ing padang mahsyar.
Naliko malaikat Israfil ‘alaihis salam meniup sangkakala mongko kuburan-kuburan sami pecah lan tiyang-tiyang sami medal kanti bondong-bondong. Lajeng dipun kumpulaken wonten ing Mahsyar ingkang wonten tigang keadaan. Sebagian keadaan naliko nedo, nginum, ndamel pakaian lan numpak kendaraan. Meniko keadaanipun kaum muslimin ingkang takwa ingkang sami nglampahi sedoyo kewajiban lan nebihi ingkang diharamkan Allah
Sebagian keadaan naliko wonten mahsyar mboten ndamel sandal lan mudo blejet. Meniko keadanipun tiyang-tiyang ingkang nglampahi duso ageng. Lan wonten sebagian malih ingkang dipun kumpulaken wonten mahsyar, keadaanipun malik, sikil wonten nduwur sirah wonnten nisor lajeng dipun seret poro malaikat minongko penghinaan dateng tiyang-tiyang meniko. tiyang meniko inggih meniko tiyang kafir.
Wondene sa’i antaranipun Shofa lan Marwah ngemutaken kito ingkang bade kerawuhan Sayyidina Ibrahim ‘alaihis salam dateng Makkah al Mukarramah, panggenan mudunipun wahyu, ingkang Allah paring aman lan tenteram.
Sa’i antara Shofa lan Marwah minongko lampah napak tilas malih dateng nopo ingkang dipun lampahi Sayyidah Hajar. Wonten ing Makkah, panggenan ingkang mboten wonten toyo lan tanduran, sayyidah Hajar sareng sayyidina Isma’il ingkang taksih bayi dipun tilar Nabiyyullah Ibrahim ’alaihis salam.
Sayyidah Hajar tawakkal penuh dateng Allah sembari usaha berlari-lari kecil antara Bukit Shofa lan Bukit Marwah pados toyo naliko nabi Ismail mular lan butuh dateng toyo.
Ngantos ahiripun Allah ngilangaken kesulitanipun Allah maringi jalan keluar songko masalahipun. Allah ngedalaken toyo Zamzam ingkang nikmat lan penuh berkah. Allahta’ala ngendiko:
وَمَنْ يَتَّقِ اللَّهَ يَجْعَلْ لَهُ مَخْرَجًا، وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ (سورة الطلاق: ٢-٣)
Maknanipun: “sinten tiyang ingkang takwa dateng Allah niscaya Allah bade maringi jalan keluar maringi rizki songko arah ingkang mboten kasongko-songko lan sinten tiyang takwa dateng Allah, Allah bade nyekapi tiyang meniko.” (QSath-Thalaq: 2-3)
Ma’asyiral Muslimin rahimakumullah,
BACA HALAMAN BERIKUTNYA..
