Hadirin jama’ah jumat rahimakumullah
Hijrah enggi kakdinto aropaagi paristiwa se langkong rajah dalem bãbát sajarah epon paradhaban Islam. Kakdinto mangkana aponapa hijrah e sapakate minangka panangghalan kalender hijriyah atas usul Khalifah Umar bin Khattab ra.
Hijrah daddi pelar maddheg epon Islam ebumih kakdinto. Kalaban Hijrah, Islam daddi kakoathan rajah se nyebbhâragi rahmat dek sabhârah alam. Bidah kalaban se sabelum epon, sa’abidah 13 taon e Mekka, dakwah Islam manggi’ih kamalarathan mala’an manggi’ih jhalan buntu. E caleh-caleh enggalla kaniajah jubak se e alamih Kanjeng Nabbi shallallahu alaihi wa sallam tor para sohabat. Hal kakdinto sempat anyebbabagi Kanjeng Nabbi shallallahu alaihi wa sallam sossa sampek toron ayat se mabhirak :
وَلَقَدْ كُذِّبَتْ رُسُلٌ مِنْ قَبْلِكَ فَصَبَرُوا عَلَى مَا كُذِّبُوا وَأُوذُوا حَتَّى أَتَاهُمْ نَصْرُنَا وَلَا مُبَدِّلَ لِكَلِمَاتِ اللَّهِ وَلَقَدْ جَاءَكَ مِنْ نَبَإِ الْمُرْسَلِينَ
Onggu lah edustaagi keya para rasul esabelluma bakna. Saterossa para Rasul sabbar atas kamungkeran ban kaniajah jubak (se elakonih) sampek dateng partolongan Allah dek para Rasul. Tadak oreng se bisah ngõba kalemat-kalemat (janjih-janjih) Allah. Onggu lah dateng dek ka bakna sabagian deri berita para Rasul rowa (TQS al-An’am [6]: 34).
Hadirin jama’ah jumat rahimakumullah
Hijrah enggi kakdinto aropaagi pangorbanan. Salaen kodu nempoh parjalanan se berra’ kalaban jarak lebbi deri 400 km, kaom muslim ngadhebih duwak ujian dalem anglebatih hijrah.
Kapeng settong; ujian iman. Sekakdimma oreng-oreng muslim kodu atina’agi nagri asal epon, artah bhârang, roma, mala’an kaloargha epon. Sekakdimma ngalle dek tempat se sobung sanak famili epon. Jugan tak ejanji’ih bakal ngaolle compok anyar tor pangaselan anyar minangka ganteh deri artah se etinggal. Namong amodal kayakinan monggu partolongan epon Allah subhanahu wa ta’ala. Allah subhanahu wa ta’ala jugan apareng pojhian tor ganjaran se atekel-tekel dek kaom muhajirin.
وَالَّذِينَ هَاجَرُوا فِي سَبِيلِ اللَّهِ ثُمَّ قُتِلُوا أَوْ مَاتُوا لَيَرْزُقَنَّهُمُ اللَّهُ رِزْقًا حَسَنًا وَإِنَّ اللَّهَ لَهُوَ خَيْرُ الرَّازِقِينَ
Oreng-oreng se hijrah ejhalanna Allah, saterossa pas epate’eh otaba mateh, onggu-onggu Allah bakal aberrik rajeke se bagus (soargha). Onggu Allah paneka sagus-bagussah se apareng rajeke (TQS al-Hajj [22]: 58).
Kapeng duwak: kaom Muslim se hijrah ngadhebih ujian pangorbanan tor panentangan deri kaom epon. Zainab binti Rasulullah shallallahu alaihi wa sallam, misal epon. Kakdissak kodu ridha’ apesa sareng rakah epon, Abu al-Ash bin Rabi, se laggik musyrek tor nolak kaangguy noro’ hijrah. Kaloargha rakah epon jugan ngaddhângin Zainab se kalerresan ngandung 4 bulan enggalla tibik epon labū tor ngalami kaguguran. Saamponah esak pulih deri lokah epon, Zainab abalih pole mangkat hijrah atinggalagi rakah epon.
Sohabat laen, Suhaib bin ar-Rumiy ra, ngorban’agi artah se ebakta deri compok epon kaangguy eparengagi dek kaom musyrek se ngaddhangin tibik epon edalem parjalanan ebanding tibik epon abalih dek Mekka.
Hadirin jama’ah jumat rahimakumullah
Hijrah Nabbi shallallahu alaihi wa sallam nojju Madina banni sangkeng terro nyingla deri kamalarathan se ros-terosan tebah sekakdimma ngaddhangin dakwah e Mekka. banni karna gepaneka. Anamong, Kanjeng Nabbi shallallahu alaihi wa sallam sadar jak saonggu epon masyarakat Mekka pamikkeran epon ningke’, leyak (budduh) tor ebbha’ eleng-lengih kalaban kasessathan. Pramila deri kakdinto Kanjeng Nabbi shallallahu alaihi wa sallam ngoladhih jak saonggu epon dakwah kodu e obã deri kondisi masyarakat se sapaneka nojju kondisi masyarakat se sae tor siap narema Islam.
Allah subhanahu wa ta’ala sateros epon apareng partolongan kalaban rabuna oreng-oreng suku Aus tor Khazraj deri Yatsrib (Madina). Duwak kabilah kakdinto masyhur kalaban kakoathan epon karna ampon biasa aperrang. Nagri epon jugan badah e posisi strategis laor biasa. Lerres e jalur daghângan antara Mekka tor Syam.
E Madina, Rasulullah shallallahu alaihi wa sallam ngaolle hasel abãngon nagarah Islam lugalluh edunnyah. Manyettong’agi samacemma suku tor nyèkkènih parjanjian kalaban kaom musyrek ebadi’ih piagam Madina. Tor, e Madina Rasulullah shallallahu alaihi wa sallam ajalanagi syare’at Islam sacara kãffah kalaban struktur pamarentaan epon. Nyebbhâragi Islam dek sabhârah jazirah arab kalaban dakwah tor jihad fi sabilillah.
BACA HALAMAN BERIKUTNYA..
