Saklajengipun, saklintune aweh nafkah, resep mbungahaken keluarga saget kaliyan ngajeni ugi ndidik putro wayah kanti sae. Keranten coro meniko dados bekal akhlak putro wayah mbenjang nalikane sampun sami ageng.
Kanjeng Nabi dawuh:
قالَ أكْرِمُوا أوْلادَكُمْ وأحْسِنُوا أدَبَهُمْ
Artosipun: Kanjeng Nabi dawuh, mulyakno putro wayah siro kabeh lan ajarono akhlak ingkang sae (HR. Ibn Majah)
Hadirin Rahimakumullah
Saking dawuh-dawuh kasebat saget kito simpulaken wonten kalih (2) resep ingkang kedah dipun perhatosaken supados saget mbungahaken keluarga:
1. Paring nafkah dhohir arupi bondo halal kagem keluarga
2. Paring nafkah batin arupi pendidikan lan agawe akhlak kanti sae
Ananging, ampun ngantos kito namung paring nafkah bondo mawon tanpo diimbangi kaliyan pendidikan akhlak. Amergi paring bondo kimawon saget njelumprungaken lan nyebabaken kepincut marang bondo dunyo.
Pramilo, kekalihipun, bebungah nafkah dhohir lan pendidikan akhlak kedah dipun paringaken dumateng keluarga, keranten naliko keluarga sampun pikantuk resep kalih meniko, insyaallah saget nentremaken lan pikantuk barokah ing pagesangan kito sedoyo.
BACA HALAMAN BERIKUTNYA..
