Midherek Imam an-Nawawi lebeting kitob syarah an-nawawi ‘ala muslim juz 8 halaman 38, hadits ing inggil mboten nedahi larangan mligi utawi kesunahan mligi siyam ing sasi rejeb.
Keranten meniko, kesunahan siyam ing sasi Rejeb dipun tingali saking kalih aspek, pertami hukum asal siyam hukumipun inggih meniko sunah. Kaping kalih, Perintah Nabi ingkang nganjuraken siyam ing bulan-bulan mulia, sasi Rejeb inggih meniko salah setunggalipun.
Jamaah shalat jemuwah hafidhakumullah
Kaping kalih, tansah nglampahaken kewajiban shalat 5 wekdal ing wekdalipun. Musthafa as-siba’i lebeting kitobipun, Sirah Nabawiyah, Durus wa ‘ibar, jilid 1 halaman 54 njlentrehaken menawi bilih nabi nglampahaken isra’ lan mi’raj kaliyan ruh lan jasadipun dados mukjizat, mila setunggaling kekedahan kangge saben muslim majeng (mi’raj) dhateng allah swt kaping 5 sadinten kaliyan jiwa lan manah ingkang khusyu’.
Kelawan shalat ingkang khusyu’, salah setunggaling tiyang rumaos diawasi dening Allah SWT, mila piyambakipun isin kangge midhereki syahwat lan hawa nafsu, isin kangge ngucap kotor, isin kangge mencaci tiyang sanes, isin kangge mbijuki, lan sa-wangsulipun langkung remen lan gampil kangge nglampahaken kathah kesaenan.
Kaping tigo, rejeb Inggih meniko sasi ingkang cocok kangge bertobat saking sedaya maksiat. Ibnu Rojab lebeting kitobipun lathaiful ma’arif juz 1 halaman 122 wantos-wantos umat manungso kangge tobat ing sasi Rejeb ingkang mulia meniko. Piyambakipun matur: putihono lembaran irengmu ing sasi rejeb, kaliyan amal sae ingkang nyelametno siro kabeh saking geni ingkang semburat.
Jamaah shalat jemuwah rahimakumullah
Kenging menopo kito kedah merhatosaken sasi Rejeb ingkang mulia meniko? Keranten sasi Rejeb inggih meniko sasi ingkang mulia. Ndongo ing Allah ing sasi meniko mboten badhe sio-sio.
Estu begja sanget tiyang ingkang ngapiki amalan, nebihi lampahan keji lan mungkar. Beramal ing sasi meniko kados angsal emas mulio, manfaataken wekdal kaliyan taat inggih meniko hal ingkang utami.
Khatib berwasiat dhateng dhiri piyambak lan para jamaah sekalian. Wahai kawulonipun Allah, ayo podo nggayuh (kesaenan) sasi rejeb lan wangsulo dhateng marginipun Allah, ampunan Allah badhe dipunparingaken ing kawulo ingkang tobat. Ing sasi meniko lawang-lawang ampunan Allah sampun kebikak.
BACA HALAMAN BERIKUTNYA..
