Riya’ menikolah ingkang dipun khawatiraken nabi Muhammad SAW menimpa ummat-Ipun. Rasululloh SAW bersabda:
إنَّ أخْوَفَ مَا أخَافُ عَلَيْكُمْ الشِّرْكُ الْأصْغَرُ, قَالُوْا وَمَا الشِّرْكُ الْاَصْغَرُ يَارَسُوْلَ اللَّهِ؟ قَالَ الرِّيَاءُ. يَقُوْلُ ُ اللَّهُ عَزَّ وَجَلَّ يَوْمَ الْقِيَامَةِ إذَا جَزَى النَّاسَ بِأعْمَالِهِمْ, يَقُوْلُ: إذْهَبُوْا إلَى الَّذِيْنَ تُرَاؤُنَ فِى الدُّنْيَا, فَانْظُرُوْا هَلْ تَجِدُوْنَ عِنْدَهُمْ جَزاءًا. (رواه أحمد)
“Saktemene seng paling tak khawaterne menimpa awakmu yoiku asy-syikr al-ashghor. Poro shahabat matur:”Nopo asy-syikr al-ashghor meniko ya Rasululloh? Rosul mangsuli: Yoiku riya’. Alloh dawuh besok dino kiyamat, naliko mbales amal-amal e manungso,”Budalo marang wong-wong seng mbok pameri amal ono dunyo. Tunggunen, opo thoh awakmu nompo balesan soko wong-wong iku.” Imam Ahmad
Rasululloh SAW juga bersabda:
مَنْ عَمِلَ عَمَلًا أشْرَكَ مَعِى فِيْهِ غَيْرِى تَرَكْتُهُ وَشِرْكَهُ (رواه أحمد)
“Sopo wonge nindaake amal sarono nyekuthoake marang Aku ono mal iku, mongko Aku ninggalake (ora ngreken) amal e lan kemusyrikan e.” HR. Imam Ahmad
Ma’asyirol muslimin, hafidlo kumulloh
Ulama’-ulama’ Shufi sami ngemutaken tentang bahaya nipun riya’:
هُوَ سُمٌّ قَاتِلٌ مُحْبِطٌ لِلْعَملِ (المنح السنية)
“Riya’ meniko racun pembunuh ingkang ngrusak ganjaranipun amal.” (Al-Minah As-Saniyyah)
Terkait kalian hal meniko, monggo sami ngatos-ngatos soho beprilaku cerdas anggen kito bermedia sosial, kados ngginaaken WA, FB, Twitter, Instagram lan sanes-sanaes ipun, supados mboten terjerumus wonten prilaku riya’. Menikolah salah setunggal ipun pintu syetan memalingkan manungso lan ngedohaken saking beramal ingkang ikhlas. Mboten kito sadari, naliko kito update status wonten jejaring sosial ternyata meniko saget terjerumus dateng riya’,
Asring kito maos utawi kito piyambak ingkang update status:
Alhmdulillah, sudah waktunya berbuka puasa sunnah
Akhirnya selesai juga tarawihnya
Jum’atan dulu ah
Senangnya berbagi dengan anak-anak yatim
Waktunya thowaf mengelilingi ka’bah
Alhmdulillah, bisa shalat di masjin Nabawi.
Lan status-status ingkang miri-mirip
Saklebatan mboten wonten masalah kalian status-status kasebat. Mung mawon menawi kito galih radi jeru malih, status-status kasebat saget njrumusaken dateng prilaku riya’ ingkang bade ngrisak amal-amal sae kasebat.
Saget ugi foto utawi status ingkang kito update wonten jejaring sosial dados pintu masuk ipun iblis njerumusaken dateng duso ingkang samar, penyakit ati ingkang bade ngrisak amal-amal sae kito, ingkang lazim dipun sebat riya’.
Ma’asyirol muslimin, hafidlo kumulloh
Sejatosipun kito mboten dipun larang utawi dipun parengaken update status ibadah kanthi niat:
Tahadduts bin-ni’mah (ngetingalaken nikmat Alloh wonten diri kito)
Ta’lim (Pembelajaran/pendorong) tyang sanes supados niru (mencontoh) amalan sae ingkang kito tindaaken
Selamet utawi aman saking riya’ (pamer amal)
Rugi engkang ageng utawi ciloko, menawi ganjaran amalan sae kito dipun risak kalian status-status ingkang kito update/dipun unggah wonten media sosial.
