كُلُّ بَنِي آدَمَ خَطَّاءٌ، وَخَيْرُ الْخَطَّائِينَ التَّوَّابُونَ
Artosipun: “Saben-saben Bani Adam iku nggadhahi dosa, lan luwih apik-apike wong kang nduweni dosa yaiku wong sing gelem taubat.” (HR Ibnu Majah).
Kanjeng Nabi Muhammad saw, ingkang pinaringan sifat maksum, menika piyambakipun taksih ngathahi maos istighfar, paling mboten saben dinten maos istighfar langkung saking 70 waosan. Napa malih awak dewe ingkang gadah dosa ingkang katah menika.
Ma’asyiral muslimin rahimakumullah. Maos istighfar ugi kedah dipun sarengi kanthi niat ingkang ikhlas, keranten saking istighfar dados tetenger kita sedaya bali marang Allah. Gusti Allah paring dawuh:
وَأَنِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعًا حَسَنًا إِلَىٰ أَجَلٍ مُسَمًّى وَيُؤْتِ كُلَّ ذِي فَضْلٍ فَضْلَهُ ۖ وَإِنْ تَوَلَّوْا فَإِنِّي أَخَافُ عَلَيْكُمْ عَذَابَ يَوْمٍ كَبِيرٍ
Artosipun: “Lan nyuwuna pangapura sira kabeh marang Gusti Allah lan padha bali (taubat) marang Gusti Allah, mangka Allah bakal maringi nikmat ingkang sahe marang sira kabeh ngantos dumugi waktu kang ditentuaken, lan Allah bakal maringi kawulane ingkang mulya kaliyan kamulyane. Lamun sira kabeh mengo (berpaling), mangka saktemene ingsun kuwatir sira kabeh bakal disiksa ing dina Kiamat.” (QS Hud: 3)
BACA HALAMAN BERIKUTNYA..
