Milo saking meniko pendamelane poro malaikat wonten ingkang netepi sujud, ruku, soho rukun-rukune sholat. Dene sholat ingkang kito lampahi meniko arupi kumpulan saking pinten-pinten wernonipun ibadahe poro malaikat. Puniko salah satu bukti bilih sholat minongko ibadah ingkang sanget dipun remeni Gusti Allah.
Poro hadirin rahimakumullah
Sholat mboten angsal dipun tilarake sinaoso dalam keadaan gerah utawa sak pitunggalanipun. Selama akal tasih tetep waras lan sehat, mongko sholat kedah dipun lampahi kanti toto coro sak mampune.
Sholat ugi kedah langkung dipentingake ketimbang perkawis-perkawis dunyo, kados pendamelan, perkawis anak bojo, bondo, jabatan lan sak pitunggalane. Sampun ngantos kito dados tiyang ingkang getunan kranten nuruti lan ketungkul perkawis dunyo sehingga ninggalake sholate. Gusti Allah dawuh:
يٰٓاَيُّهَا الَّذِيْنَ اٰمَنُوْا لَا تُلْهِكُمْ اَمْوَالُكُمْ وَلَآ اَوْلَادُكُمْ عَنْ ذِكْرِ اللّٰهِ ۚوَمَنْ يَّفْعَلْ ذٰلِكَ فَاُولٰۤىِٕكَ هُمُ الْخٰسِرُوْنَ
Artosipun: Hai, wongkang podo iman, bondo-bondomu lan anak-anakmu iku ojo nganti nyebabi siro kabeh lali soko iling ing Gusti Allah, lan sopo wonge koyo mengkunu, mongko wong-wong iku bakal getunan (al-Munafiqun: 9)
Saking surat meniko njelasake bilih ingkang dipun maksud dzikir utawi iling Gusti Allah nggih meniko sholat lima waktu. Lan saking ayat kasebat saget dimangertosi bilih sedoyo perkoro, sinaoso asalipun dipun parengaken koq malah nyebabake supe lan nilaraken wajibe sholat, mongko kalebet penggawean maksiat ingkang kedah kito tebihi,
BACA HALAMAN BERIKUTNYA..
