Kanjeng Nabi Muhammad menungso ingkang mulyo sanget, mboten gadah doso kepungkur utawi ingkang badhe kalampah, Kanjeng Nabi tetep gugah keluarganipun. Kanjeng Nabi gugah garwanipun supados nderek ibadah. Kanjeng Nabi wonten dalemipun Fatimah, dateng dalemipun Ali bin Abi Thalib, lajeng kanjeng Nabi gugah kekalihipun kelawan ngucap:
أَلَا تُصَلِّيَانِ
“Opo toh siro (Fatimah lan Ali bin Abi Thalib) gak gelem ngelakoni sholat?” (HR. Bukhari)
Ma’asiral Muslimin ingkang Minulyo
Menikolah wancinipun berlomba-lomba. Ramadhan meniko dereng mantun. Kanjeng Nabi ngencengi sarung lan cancut taliwondo semangat ibadah.
Tapi sewangsulipun, sebagian kito justru wonten ing sedoso dinten terakhir Ramadhan malah ngedoni sarung, sibuk kalian daharan, sibuk ndamel jajanan, lan sibuk kegiatan-kegiatan ingkang sejatosipun saget dipun tilar.
‘Aisyah nyeriosaken bilih Rasulallah SAW wonten ing rong puluh (20) dinten terakhir mboten nate sare. Demi angsal hasil ingkang sempurno.
Kanjeng nabi ninggalaken dalemipun, kanjeng nabi ninggal urusan dipanipun, kanjeng nabi ninggal keluarganipun sak perlu rawuh wonten dalemipun Allah ‘Aza wa Jalla, ngelampahi i’tikaf.
Wonten ing bumi meniko katah sanget dalemipun Allah, wonten pundi dalemipun Allah? Rasulullah SAW ngendikan:
أَحَبُّ الْبُقَاعِ إِلَى اللهِ مَسَاجِدُهَا
“Panggonan sing paling disenengi Allah nang bumi yoiku masjd-masijdipun.” (HR. Muslim)
Ikhwanul Muslimin Rahima Kumullah
Monggo.. Mumpung tasih wonten siso dinten Ramadhan ingkang kedah kito perjuangaken. Ing mriku wonten setunggal wengi kados Dawuhipun Allah:
خَيْرٌ مِّنْ أَلْفِ شَهْرٍ
“Wengi iku lebih apik tinimbang sewu wulan.” (QS. Al-Qadr : 3)
Kito saget ningali pripun semangate tiang ingkang nyambut damel naliko dijanjeni bayaran tikel-tikel. Kito tingali karyawan utawi buruh ingkang dijanjeni “Awakmu tetep kerjo nang kantor suwene 10 dino pas libur. Mongko bayaranmu bakal tak tikelno ping 10 wulan, bakal tak tikelno 100 wulan, bakal tak tikelno 1000 wulan.
BACA HALAMAN BERIKUTNYA..
