Saking dawuh meniko sampun pertelo bilih wengi Nisfu Sya’ban niku nggadah kalih kautamaan, nggih meniko: 1. ngapuro tiyang ingkang purun istighfar, 2. nyembadani penyuwun (doa). Sedoyo niku khusus kagem sinten kimawon ingkang purun nguripi wengi Nisfu Sya’ban.
Miturut Imam Syafii wonten kitab Al-Umm dawuh: saktemene penyuwun (doa) iku diijabahi wonten ing limang wengi (malam), nggih meniko: malam Jumat, malam idul adha, malam idul fitri, malam setunggal Rajab, malam Nisfu Sya’ban.
Jamaah Ingkang Sami Bahagio
Saking pepertelan kasebat, monggo kito sami cancut taliwondo ningkataken amal kesaenan ing wulan Nisfu Sya’ban, kranten wekdal meniko wekdal ingkang istimewa. Ampun ngantos kito anggur-angguran mboten ngelampahi nopo-nopo. Gusti Allah dawuh:
وَالْعَصْرِۙ اِنَّ الْاِنْسَانَ لَفِيْ خُسْرٍ اِلَّا الَّذِيْنَ اٰمَنُوْا وَعَمِلُوا الصّٰلِحٰتِ وَتَوَاصَوْا بِالْحَقِّ ەۙ وَتَوَاصَوْا بِالصَّبْرِ
Artosipun: Demi wektu, saktemene menungso iku ingdalem getunan, kejobo wong kang podo iman, ngamal sholeh lan podo saling wasiat kelawan bener lan sabar.
BACA HALAMAN BERIKUTNYA..
