Pramila, ngaturake maturnuwun utawi syukur dhumateng para pahlawan punika, sejatosipun ugi sami kalian kita ngedalaken syukur dhumateng Allah ta’ala, ingatase kita saget menikmati alam kemerdekaan.
Carane kita maturnuwun, saget kelawan ngeling-eling perjuangane saha dungaaken para pahlawan, ugi nguri-uri, nerusake perjuangane, kanthi ndherek jaga kemerdekaan ing nagari Indonesia menika.
Para jamaah ingkang mugi-mugi dipun rahmati Allah
Istilah pahlawan punika, menawi kita maknani kanthi makna kang luas, mboten namung terbatas tiyang ingkang angkat senjata, tumut perang ngrebut utawi mertahanke kemerdekaan. Ananging saget ugi dipun maknani, pahlawan yaiku tiyang ingkang sampun berjasa marang kita.
Kados dene, tiyang sepah kita. Bapak ingkang sampun pados nafkah kangge keluargane. Ibu ingkang sampun nglairake kita, kanthi nandhang lara nganti taruhane nyawa. Wonten ing Al-Qur’an sampun dipun terangake:
وَوَصَّيْنَا الْاِنْسَانَ بِوَالِدَيْهِۚ حَمَلَتْهُ اُمُّهٗ وَهْنًا عَلٰى وَهْنٍ وَّفِصَالُهٗ فِيْ عَامَيْنِ اَنِ اشْكُرْ لِيْ وَلِوَالِدَيْكَۗ اِلَيَّ الْمَصِيْرُ
Artosipun: “Lan Ingsun (Allah) wasiat marang menungsa, (Ingsun perintah bagusi) marang wong tua lorone. Ibune ngandut deweke. Sang ibu mau nandang payah ingatase payah (payahe ngandut) lan anggene nyapih, dewek iku sakwuse umur 2 (rong) tahun. Lan Ingsun (Allah) dhawuhi marang menungsa, supaya sira syukur marang Ingsun (Allah), lan marang wong tua 2 (loro) ira. Iku namung marang Panjenengan Ingsun dhewe – panggonan baline sekabehane menungsa,” (QS Luqman ayat 14)
Lajeng dhumateng para guru, ingkang sampun mucal kita kelawan macem-macem ilmu. Langkung-langkung ilmu agami, ing akhire kita saget kenal dhateng Gusti. Lan sedaya tiyang ingkang sampun dados wasilah paring kesahenan marang kita.
Menika lah para pahlawan kita. Ingkang kedah tansah kita bekteni. Kita emut-emut jasa lan perjuanganipun. Kita kirim dunga. Lan kita terusaken perjuangan utawi amalake ilmune.
BACA HALAMAN BERIKUTNYA..
