Caranah kakdintoh bisa ekaolle kalaben ngalakonih sadejeh parenta deri ajunan epon Alloh, baik parenta se wejib otabeh se sonnat, akadih akurban e bektoh areh tellasen kurban.
Kalaben cara kakdintoh, maka Alloh pekal niser tor senneng dek kuleh sareng ajunan sadejeh. Kakdintoh akadih se ampon e debu aki sareng Nabi Muhammad delem sala sittung hadits epon, enggi kakdintoh:
مَا تَقَرَّبَ إِلَىَّ عَبْدِى بِشَىْءٍ أَحَبَّ إِلَىَّ مِمَّا افْتَرَضْتُ عَلَيْهِ، وَمَا يَزَالُ يَتَقَرَّبُ إِلَىَّ بِالنَّوَافِلِ حَتَّى أُحِبَّهُ
Artinya, “Tadek sittung oreng deri tang kabuleh se masemmak kalaben ibede se lebbi e kasennengih deri ibede-ibede se ampon e wejib aki. Ben, tak re-mareh masemmak dek sengkok kalaben ibede sonnat sampe sengkok senneng.” (HR Bukhari).
Kalakoan sonnat se bisa e kalakoh sareng kuleh panjennengan sadejeh kakdintoh sangat bennyak macem epon, ben sala sittungah enggi kakdintoh kalaben akurba e wektoh areh tellasen kurban.
Akurban kintoh merupakan begien deri ibede se sangat e anjuraki delem Islam, hukum epon sunnah muakkad. Hal kakdintoh akadih se ampon eteges aki delem Al-Qur’an, Alloh swt berfirman:
إِنَّا أَعْطَيْنَاكَ الْكَوْثَرَ (١) فَصَلِّ لِرَبِّكَ وَانْحَرْ (٢)
Artinya, “Sungguh, Kami telah memberimu (Muhammad) nikmat yang banyak. Maka laksanakanlah shalat karena Tuhanmu, dan berkurbanlah (sebagai ibadah dan mendekatkan diri kepada Allah).” (QS Al-Kautsar [108]: 1-2).
Selaen ayat kakdintoh, Rasululloh jugen marenta dek kuleh panjennengan sadejeh untuk akurban, bahkan oreng se mampu untuk akurban namun enteng delem ngalaksana aki, kakdintoh sareng nabi epakon majeu deri tempat shalat idul Adha. E delem sala sittung hadits epon edebu aki:
مَنْ وَجَدَ سَعَةً فَلَمْ يُضَحِّ فَلَا يَقْرَبَنَّ مُصَلَّانَا
Arte epon, “Paserah saos se ngagungih kajemberen rizki (mampu akurban), namun oreng kaiyen tak poron untuk ngalaksana aki, maka jhek sampe oreng kaiyeh masemmak dek tempat solat kuleh sadejeh.” (HR Abu Hurairah).
Kalaben adesar ayet sareng hadits kakdintoh, maka kuleh sareng panjennengan sadejeh sanget e anjur aki untuk akurban salestarenah ngalaksana aki shalat sonnat tellasen, baik nganggui ontah, sapeh, embik, otabeh domba. Bedenah anjuren kakdintoh tadek laen selaen bentuk syukkur dek ajunan epon Alloh atas sadejeh nikmat tor papareng se ampon eparengaki dek kuleh sareng sampean sadejeh.
Ma’asyiral Muslimin jamaah Jumat se e molje aki sareng Alloh
BACA HALAMAN BERIKUTNYA..
