Khutbah Jumat Bahasa Sunda NU Online: Empat Tingkatan Rezeki

KHUTBAH JUMAT I

الْحَمْدُ لِلّٰهِ رَبِّ الْعَالَمِيْنَ، وَبِهِ نَسْتَعِيْنُ عَلَى أُمُوْرِ الدُّنْيَا وَالدِّيْنِ، وَالصَّلَاةُ وَالسَّلَامُ عَلَى أَشْرَفِ اْلأَنْبِيَاءِ وَالْمُرْسَلِيْنَ، نَبِيِّنَا مُحَمَّدٍ صَلَّى اللهُ عَلَيْهِ وَسَلَّمَ وَعَلَى اٰلِهِ وَأَصْحَابِهِ وَالتَّابِعِيْنَ وَمَنْ تَبِعَهُمْ بِإِحْسَانٍ إِلىَ يَوْمِ الدِّيْنِ، أَشْهَدُ أَنْ لَا إِلٰهَ إِلَّا الله وَحْدَه لَاشَرِيْكَ لَهُ الْمَلِكُ الْحَقُّ اْلمُبِيْن. وَأَشْهَدُ أَنَّ سَيِّدَنَا مُحَـمَّدًا عَبْدُهُ وَرَسُوْلُهُ صادِقُ الْوَعْدِ اْلأَمِيْن.

أَمَّا بَعْدُ فَيَا أَيُّهَا الْحَاضِرُوْنَ. اِتَّقُوا اللهَ حَقَّ تُقَاتِهِ وَلَا تَمُوْتُنَّ إِلَّا وَأَنْتُمْ مُسْلِمُوْنَ. فَقَالَ اللهُ تَعَالَى: وَاِذْ تَاَذَّنَ رَبُّكُمْ لَىِٕنْ شَكَرْتُمْ لَاَزِيْدَنَّكُمْ وَلَىِٕنْ كَفَرْتُمْ اِنَّ عَذَابِيْ لَشَدِيْدٌ

Hadirin jamaah Jumaah rahimakumullah,

Sanes hal anu tiasa dipungkir, urang sadaya wajib muji sukur ka Allah SWT kana limpahan nikmat iman, nikmat Islam, sareng nikmat kahirupan. Hayu urang wujudkeun rasa sukur ieu ku cara ningkatkeun katakwaan ka Allah kalayan sabener-bener takwa. Sabab ngan ku takwa, hirup urang bakal aya arah, sareng rezeki urang pinuh ku berkah.

وَمَنْ يَّتَّقِ اللّٰهَ يَجْعَلْ لَّهٗ مَخْرَجًاۙ . وَّيَرْزُقْهُ مِنْ حَيْثُ لَا يَحْتَسِبُۗ

Artina: “Saha waé nu takwa ka Allah, pasti Allah méré jalan kaluar. Jeung méré rezeki ti arah nu teu disangka-sangka.” (QS At-Thalaq: 2-3)

Dina kasempetan ieu, hayu urang sami-sami ngarenungkeun hakekat jeung tingkatan rezeki sakumaha anu dijelaskeun ku ulama, nyaéta Muhammad Mutawalli al-Sha’rawi. Anjeunna nerangkeun yén rezeki téh miboga tingkatan, lain saukur harta anu urang kagungan.

Syekh asy-Sya’rawi ngajelaskeun opat tingkatan rezeki dina ungkara anu kacida éndahna:

المَالُ هُوَ أَدْنَى دَرَجَاتِ الرِّزْقِ. وَالعَافِيَةُ أَعْلَى دَرَجَاتِ الرِّزْقِ. وَصَلَاحُ الأَبْنَاءِ أَفْضَلُ أَنْوَاعِ الرِّزْقِ. وَرِضَا رَبِّ العَالَمِينَ فَهُوَ تَمَامُ الرِّزْقِ

Artina: “Harta téh rezeki panghandapna, kaséhatan téh rezeki pangluhurna, anak shaleh téh rezeki pangutamana, jeung ridha Allah téh rezeki anu paling sampurna.”

Hadirin jamaah Jumaah rahimakumullah,

Tingkatan rezeki anu kahiji nyaéta harta. Harta téh kabutuhan dasar pikeun urang. Ku harta, urang tiasa tuang, berpakaian, sareng nyumponan kabutuhan hirup.

Nanging, jamaah sadayana, harta téh mangrupa tingkatan rezeki anu panghandapna. Naha kitu? Sabab harta tiasa dipiboga ku saha waé, boh ku jalma anu iman boh ku anu ingkar. Malah sakapeung harta tiasa kahontal ku cara anu teu leres. Ku kituna, ulah nepi ka urang ngajadikeun harta minangka tujuan hirup, tapi jadikeun éta minangka sarana pikeun ngahontal kahadéan, sabab sadayana bakal dipertanggungjawabkeun.

Rasulullah SAW ngadawuh:

لَا تَزُوْلُ قَدَمَا عَبْدٍ يَوْمَ الْقِيَامَةِ حَتَّى يُسْأَلَ عَنْ أَرْبَعٍ عَنْ عُمُرِهِ فِيْمَا أَفْنَاهُ وَعَنْ جَسَدِهِ فِيْمَا أَبْلَاهُ وَعَنْ عِلْمِهِ مَاذَا عَمِلَ فِيْهِ وَعَنْ مَالِهِ مِنْ أَيْنَ اكْتَسَبَهُ وَفِيْمَا أَنْفَقَهُ (رَوَاهُ ابْنُ حِبَّانَ وَالتِّرْمِذِيُّ)

Artina: “Suku hiji hamba moal ngaléngkah dina poé kiamat saméméh ditaros ngeunaan opat perkara: umurna dipaké naon, awakna dipaké naon, élmuna diamalkeun atanapi henteu, jeung hartana ti mana meunangna sarta keur naon digunakeunana.”

Hadirin jamaah Jumaah rahimakumullah,

Tingkatan rezeki anu kadua nyaéta kaséhatan. Kaséhatan téh nikmat anu luar biasa. Ku awak anu séhat, urang tiasa ngalakukeun rupa-rupa kagiatan jeung ibadah. Jalma anu loba harta tapi teu séhat, tangtos moal tiasa ngarasakeun hartana.

Sabalikna, jalma anu séhat sanajan hirup basajan, bakal ngarasakeun kabagjaan anu ageung. Ku kituna, ngajaga kaséhatan téh bagian tina rasa sukur ka Allah. Kaséhatan sok dipopohokeun, sakumaha dawuh Rasulullah:

نِعْمَتَانِ مَغْبُونٌ فِيهِمَا كَثِيرٌ مِنَ النَّاسِ، الصِّحَّةُ وَالْفَرَاغُ

Artina: “Aya dua nikmat anu loba jalma kaliru (teu ngamangpaatkeun), nyaéta séhat jeung waktu luang.”

Saterusna, tingkatan rezeki anu katilu nyaéta anak anu shaleh jeung élmu anu mangpaat. Urang kedah sadar yén teu sadaya jalma dipasihan anak anu shaleh. Anak shaleh téh karunia anu kacida agungna. Anjeunna janten panyeger haté di dunya jeung panulung di ahérat.

Kitu deui élmu anu mangpaat. Élmu téh cahaya anu bakal nyinaran kahirupan. Élmu anu diamalkeun bakal janten amal jariyah anu pahalana terus ngalir sanajan urang parantos pupus.

Rasulullah SAW ngadawuh:

إِذَا مَاتَ ابْنُ آدَمَ انْقَطَعَ عَمَلُهُ إِلا مِنْ ثَلاثٍ : صَدَقَةٍ جَارِيَةٍ ، أَوْ عِلْمٍ يُنْتَفَعُ بِهِ ، أَوْ وَلَدٍ صَالِحٍ يَدْعُو لَهُ

Artina: “Lamun anak Adam maot, putus sagala amalna iwal tilu perkara: sedekah jariyah, élmu anu mangpaat, jeung anak shaleh anu ngadoakeun anjeunna.”

Tingkatan rezeki anu kaopat, jeung ieu anu pangluhurna, nyaéta ridha Allah. Ieu mangrupa puncak tina sagala rezeki. Lamun Allah parantos ridha ka urang, hirup urang bakal pinuh ku berkah, haté urang tenang, léngkah urang hampang, jeung cobaan bakal karasa leuwih enteng. Ridha Allah téh jaminan kabagjaan dunya jeung ahérat. Lamun Allah parantos ridha, balasanana nyaéta surga.

Hadirin jamaah Jumaah rahimakumullah,

Tina panjelasan ieu urang tiasa nyandak hikmah yén rezeki téh lain ukur sabaraha loba anu urang gaduh, tapi kumaha rezeki éta tiasa ngadeukeutkeun urang ka Allah.

Urang teu kedah hariwang ngeunaan rezeki. Nanging, urang diparéntah pikeun tetep ikhtiar dina néanganana. Allah parantos negeskeun dina Al-Qur’an yén sakabéh mahluk parantos dijamin rezekina:

وَمَا مِنْ دَاۤبَّةٍ فِى الْاَرْضِ اِلَّا عَلَى اللّٰهِ رِزْقُهَا

Artina: “Teu aya hiji mahluk ogé di bumi iwal Allah anu ngajamin rezekina.”

Mugia urang sadaya salawasna dipasihan rezeki anu janten berkah sarta tiasa dimangpaatkeun pikeun ibadah ka Anjeunna. Mugia ridha Allah salawasna ngalimpudan kahirupan urang. Aamiin.

بَارَكَ اللهُ لِي وَلَكُمْ فِي اْلقُرْآنِ اْلعَظِيْمِ وَنَفَعَنِي وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هٰذَا وَأَسْتَغْفِرُ اللّٰهَ لِيْ وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ

KHUTBAH II

الْحَمْدُ لِلّٰهِ وَالْحَمْدُ لِلّٰهِ ثُمَّ الْحَمْدُ لِلّٰهِ. أَشْهَدُ أَنْ لَا إلٰهَ إِلَّا اللهُ وَحْدَهُ لَا شَرِيكَ لَهُ، وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِيْ لَا نَبِيَّ بَعْدَهُ. اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى أَلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ القِيَامَةِ.

أَمَّا بَعْدُ، فَيَا أَيُّهَا النَّاسُ أُوْصِيْكُمْ وَنَفْسِيْ بِتَقْوَى اللهِ فَقَدْ فَازَ الْمُتَّقُوْنَ. فَقَالَ اللهُ تَعَالَى: إِنَّ اللهَ وَمَلَائِكَتَهُ يُصَلُّوْنَ عَلَى النَّبِيِّ، يٰأَ يُّها الَّذِيْنَ اٰمَنُوْا صَلُّوْا عَلَيْهِ وَسَلِّمُوْا تَسْلِيْمًا.

اَللّٰهُمَّ صَلِّ عَلَى سَيِّدَنَا مُحَمَّدٍ وَعَلَى أَلِ سَيِّدَنَا مُحَمَّدٍ .اَللّٰهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ، اَلْأَحْياءِ مِنْهُمْ وَاْلاَمْوَاتِ. اَللّٰهُمَّ ادْفَعْ عَنَّا اْلبَلَاءَ وَاْلوَبَاءَ والقُرُوْنَ وَالزَّلَازِلَ وَاْلمِحَنَ وَسُوْءَ اْلفِتَنِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا إِنْدُونِيْسِيَّا خآصَّةً وَسَائِرِ بُلْدَانِ اْلمُسْلِمِيْنَ عامَّةً يَا رَبَّ اْلعَالَمِيْنَ.

اَللّٰهُمَّ أَرِنَا الْحَقَّ حَقًّا وَارْزُقْنَا اتِّبَاعَهُ وَأَرِنَا الْبَاطِلَ بَاطِلًا وَارْزُقْنَا اجْتِنَابَهُ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. وَاَلْحَمْدُ لِلّٰهِ رَبِّ الْعٰلَمِيْنَ

عٍبَادَ اللهِ، إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتاءِ ذِي اْلقُرْبىَ وَيَنْهَى عَنِ اْلفَحْشاءِ وَاْلمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ، وَاذْكُرُوا اللهَ اْلعَظِيْمَ يَذْكُرْكُمْ، وَاشْكُرُوْهُ عَلىَ نِعَمِهِ يَزِدْكُمْ، وَلَذِكْرُ اللهِ أَكْبَرُ