Khutbah Jumat Terbaru 7 Menit: Tips Menghadapi Ujian Hidup Menurut Imam Al-Qusyairi (Bahasa Sunda)

KHUTBAH JUMAT I

الحَمْدُ لِلّٰهِ أَوَّلًا وَالحَمْدُ لِلّٰهِ أَخِرًا وَالحَمْدُ لِلّٰهِ مُسْتَغْرِقُ المَحَامِدِ كُلِّهَا. وَلَا حَوْلَ وَلَا قُوَّةَ إِلَّا بِاللّٰهِ العَلِيِّ العَظِيْمِ. وَالصَّلَاةُ وَالسَّلَامُ عَلٰى سَيِّدِنَا مُحَمَّدٍ الحَاثِّ عَلٰى طَاعَةِ الكَرِيْمِ الغَفَّارِ، النَّاهِي عَنِ اتِّبَاعِ الهَوَى وَالنَّفْسِ وَالشَّيْطَانِ وَكُلِّ ضَارٍّ. وَعَلٰى آلِهِ السَّادَةِ الأَطْهَارِ وَأَصْحَابِهِ الأَخْيَارِ الأَبْرَارِ.

وَأَشْهَدُ أَنْ لَا إِلَهَ إِلَّا اللّٰهُ وَحْدَهُ لَا شَرِيْكَ لَهُ، شَهَادَةَ مُوْقِنٍ بِتَوْحِيْدِهِ، مُسْتَجِيْرٍ بِحَسَنِ تَأْيِيْدِهِ. وَأَشْهَدُ أَنَّ سَيِّدَنَا مُحَمَّداً عَبْدُهُ الْمُصْطَفَى، وَأَمِيْنُهُ الْمُجْتَبَى، وَرَسُوْلُهُ الْمَبْعُوْثُ إِلَى كَافَةِ الْوَرَى.

أَمَّا بَعْدُ: فَيَا عِبَادَ اللّٰهِ، اِتَّقُوا اللّٰهَ حَيْثُمَا كُنْتُمْ، وَأَتْبِعُوا السَّيِّئَةَ الْحَسَنَةَ تَمْحُهَا، وَخَالِقُوا النَّاسَ بِخُلُقٍ حَسَنٍ. قَالَ اللّٰهُ تَعَالَى: بِسْمِ اللّٰهِ الرّٰحْمَنِ الرّٰحِيْمِ. وَالْعَصْرِۙ إِنَّ الْإِنْسَانَ لَفِيْ خُسْرٍۙ إِلَّا الَّذِيْنَ اٰمَنُوْا وَعَمِلُوا الصّٰلِحٰتِ وَتَوَاصَوْا بِالْحَقِّۙ وَتَوَاصَوْا بِالصَّبْرِࣖ

Ma’asyiral muslimin rahimakumullah,

Sakumna puji kagungan Allah wungkul, Gusti Nu Maha Kawasa tur Maha Uninga kana sagala kaayaan para abdi-Na, boh dina mangsa kasusah boh dina mangsa kalapangan. Mugia shalawat sareng salam salawasna dilimpahkeun ka Kangjeng Rasulullah shallallahu ‘alaihi wa sallam, anu parantos ngawariskeun suri tauladan ngeunaan kumaha carana tetep ngajaga katakwaan dina unggal helaan napas kahirupan.

Ngajaga katakwaan mangrupikeun hiji kawajiban anu kedah salawasna dicekel dina unggal kaayaan. Ku margi kitu, dina suasana anu pinuh ku berkah ieu, khatib maparin wasiat ka sakumna jamaah, utamina ka diri khatib pribadi, sangkan salawasna ngalaksanakeun sakumna parentah Allah Ta’ala sareng ngajauhan sagala rupa larangan-Na.

Allah Ta’ala ngadawuh:

يٰٓاَيُّهَا الَّذِيْنَ اٰمَنُوا اتَّقُوا اللّٰهَ حَقَّ تُقٰىتِهٖ وَلَا تَمُوْتُنَّ اِلَّا وَاَنْتُمْ مُّسْلِمُوْنَ

Hartina: “He jalma-jalma anu iman! Maraneh kudu takwa ka Allah kalayan sabener-bener takwa ka Anjeunna, jeung ulah nepi ka maraneh paeh iwal dina kaayaan jadi jalma Islam.” (QS. Ali ‘Imran: 102)

Ma’asyiral muslimin rahimakumullah,

Baheula, manusa diuji ku kawatesanan dahareun sareng jauhna jarak. Ari kiwari, urang diuji ku ngabaheudna informasi, beuratna pasanggiri, gancangna parobahan, sareng luhurna harepan ti rupa-rupa pihak. Média sosial sareng stasiun tipi remen nembongkeun “kahirupan anu sampurna” milik batur, padahal urang sorangan keur nyanghareupan cicilan, target padamelan, tanggung jawab kulawarga, sareng rasa hariwang kana mangsa payun anu can tangtu.

Nanging saenyana, kaayaan sapertos kieu sanes hal anu énggal. Lami sateuacan jaman digital aya, Allah Ta’ala parantos netepkeun sunnatullah dina kahirupan:

لَقَدْ خَلَقْنَا الْإِنْسَانَ فِيْ كَبَدٍ

Hartina: “Sajatina Kami geus nyiptakeun manusa dina kaayaan susah payah.” (QS. Al-Balad: 4)

Ku margi kitu, lumrah upami urang ngarasa capé. Lumrah upami ikhtiar karasa beurat, rezeki karasa heureut, sareng manah remen karandapan kagelisahan. Margi memang sapertos kitu tabiat kahirupan dunya. Dunya sanés tempat anu bébas tina cobaan, nanging tempat pikeun ngagembleng manusa sangkan iman sareng kasabaranana langkung kiat.

Ku sabab éta, urang kedah sanggup nyanghareupan unggal cobaan sareng tangtangan kalayan manah anu lega. Urang kedah yakin yén di balik unggal cobaan anu dipaparin ku Allah, salawasna aya jalan kalapangan anu parantos disayagikeun ku Mantenna. Allah Ta’ala ngadawuh:

وَاللّٰهُ يَقْبِضُ وَيَبْصُۣطُۖ وَاِلَيْهِ تُرْجَعُوْنَ

Hartina: “Allah nu nyempetkeun jeung ngalapangkeun, sarta ka Mantenna maraneh bakal dipulangkeun.” (QS. Al-Baqarah: 245)

Ma’asyiral muslimin rahimakumullah,

Sagala kaayaan, boh heureut boh lapang, dina saéstuna sipatna ngan ukur samentawis. Ahir tina sakumna lalampahan hirup nyaéta mulang ka Allah Ta’ala pikeun dihisab. Ku margi kitu, ulah dugi ka urang poho diri nalika keur aya dina kalapangan, sareng ulah dugi ka putus harepan nalika keur aya dina kasusah.

Imam al-Qusyairi dina kitab ar-Risalah al-Qusyairiyah kaca 158 ngajelaskeun yén sakapeung aya kalapangan anu sumping sacara ngadadak ka hiji jalma dina kaayaan anu henteu disangka-sangka. Jalma éta henteu terang naon sababna, nanging kaayaan éta tiasa ngagoncangkeun sareng ngaganggu batinna.

Ku margi kitu, jalan anu pangsaéna pikeun jalma anu ngalaman kaayaan sapertos kitu nyaéta cicing bari ngajaga adab. Margi dina waktu sapertos kitu aya bahaya anu ageung. Jalma kedah ati-ati kana rupa-rupa tipu daya anu nyumput. Anjeunna ngutip dawuhan para ulama:

قِفْ عَلَى الْبِسَاطِ وَإِيَّاكَ وَالِانْبِسَاطَ

Hartina: “Nangtunglah dina hamparan, tapi kudu ati-ati ulah nepi ka kaleuleuwihan.”

Panjelasan ieu ngingetan urang sangkan salawasna waspada dina unggal kaayaan hirup, boh nalika keur lapang boh nalika keur heureut. Nalika lapang, ulah dugi ka jadi sombong sareng poho diri. Nalika heureut, ulah dugi ka putus asa sareng goréng sangka ka Allah. Urang kedah salawasna ngajaga husnuzan yén sagala takdir Allah Ta’ala mangrupikeun anu panghadéna. Para ulama ngadawuh:

وَلِكُلِّ شَيْءٍ أَجَلٌ

Hartina: “Unggal hiji perkara aya waktuna.”

Ku margi kitu, urang kedah yakin yén mangsa kasusah, mangsa paceklik, mangsa kagelisahan, sareng mangsa pinuh ku tekanan moal lumangsung salamina. Sadayana aya wates waktuna di sisi Allah. Kitu deui nikmat, kalapangan, kalungguhan, kaséhatan, sareng mangsa ngora, sadayana ogé ngan ukur samentawis.

Kalayan kasadaran sapertos kitu, manah urang bakal langkung tengtrem. Urang moal gampang panik nalika nyanghareupan pasualan, sareng moal gampang poho diri nalika nampi nikmat. Urang bakal langkung museur dina ngalakonan kahirupan, nyanghareupan rupa-rupa tangtangan, sareng teras ngalereskeun diri.

Ma’asyiral muslimin rahimakumullah,

Tina pedaran anu pondok ieu, aya sababaraha pangajaran anu kedah dicekel pageuh, nyaéta sabar, syukur, sareng tetep ikhtiar kalayan saoptimalna. Lega dada sanés hartosna pasrah tanpa usaha. Lega dada hartosna narima katangtuan Allah kalayan manah anu hérang, bari teras ngalaksanakeun usaha anu pangsaéna anu sanggup dipigawé.

Hayu urang langkung nguatkeun istiqamah dina ngalaksanakeun ibadah ka Allah Ta’ala. Urang kedah yakin yén ku istiqamah, Allah bakal maparin kakuatan ka urang pikeun nyanghareupan unggal pasualan anu aya.

Allah Ta’ala ngadawuh:

إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا فَلَا خَوْفٌ عَلَيْهِمْ وَلَا هُمْ يَحْزَنُونَ

Hartina: “Sajatina jalma-jalma anu ngomong, ‘Gusti kami teh Allah,’ tuluy maranehna istiqamah, moal aya kasieun ka maranehna jeung maranehna oge moal sedih.” (QS. Al-Ahqaf: 13)

Kitu khutbah pondok dina siang ieu. Mugia Allah ngajadikeun urang sadaya kalebet kana golongan para abdi-Na anu sanggup sabar nalika diuji, syukur nalika dipaparin nikmat, sareng salawasna lega dada dina nyanghareupan unggal pasualan kahirupan. Amin ya Rabbal ‘alamin.

بَارَكَ اللهُ لِيْ وَلَكُمْ فِي الْقُرْاٰنِ الْعَظِيْمِ وَنَفَعَنِي وَاِيَّاكُمْ بِمَا فِيْهِ مِنَ الْاٰيَاتِ وَالذِّكْرِ الْحَكِيْمِ وَتَقَبَّلَ مِنِّيْ وَمِنْكُمْ تِلَاوَتَهُ اِنَّهُ هُوَ السَّمِيْعُ الْعَلِيْمُ

KHUTBAH II

اَلْحَمْدُ لِلّٰهِ عَلَى إِحْسَانِهِ، وَالشُّكْرُ لَهُ عَلَى تَوْفِيْقِهِ وَامْتِنَانِهِ. وَأَشْهَدُ أَنْ لَا اِلٰهَ إِلَّا اللّٰهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِي إِلَى رِضْوَانِهِ. اَللّٰهُمَّ صَلِّ عَلَى سَيِّدِنَا مُحَمَّدٍ، وَعَلَى آلِهِ وَأَصْحَابِهِ، وَسَلِّمْ تَسْلِيْمًا كَثِيْرًا.

أَمَّا بَعْدُ، فَيَا أَيُّهَا النَّاسُ، اِتَّقُوا اللّٰهَ فِيْمَا أَمَرَ، وَانْتَهُوْا عَمَّا نَهَى، وَاعْلَمُوْا أَنَّ اللّٰهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلَى نَبِيِّهِ الْكَرِيْمِ، فَقَالَ تَعَالَى: إِنَّ اللّٰهَ وَمَلَآئِكَتَهُ يُصَلُّوْنَ عَلَى النَّبِيِّ، يَآ أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.

اَللّٰهُمَّ صَلِّ عَلَى سَيِّدِنَا مُحَمَّدٍ، وَعَلَى آلِ سَيِّدِنَا مُحَمَّدٍ، كَمَا صَلَّيْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ. وَبَارِكْ عَلَى سَيِّدِنَا مُحَمَّدٍ، وَعَلَى آلِ سَيِّدِنَا مُحَمَّدٍ، كَمَا بَارَكْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ، فِيْ الْعَالَمِيْنَ، إِنَّكَ حَمِيْدٌ مَجِيْدٌ.

اَللّٰهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، اَلْأَحْيَاءِ مِنْهُمْ وَالْأَمْوَاتِ. اَللّٰهُمَّ أَعِزَّ الْإِسْلَامَ وَالْمُسْلِمِيْنَ، وَأَذِلَّ الشِّرْكَ وَالْمُشْرِكِيْنَ، وَانْصُرْ مَنْ نَصَرَ الدِّيْنَ، وَاخْذُلْ مَنْ خَذَلَ الْمُسْلِمِيْنَ، وَدَمِّرْ أَعْدَاءَ الدِّيْنِ، وَأَعْلِ كَلِمَاتِكَ إِلَى يَوْمِ الدِّيْنِ.

اَللّٰهُمَّ ادْفَعْ عَنَّا الْبَلَاءَ وَالْوَبَاءَ وَالزَّلَازِلَ وَالْمِحَنَ، وَسُوْءَ الْفِتَنِ مَا ظَهَرَ مِنْهَا وَمَا بَطَنَ، عَنْ بَلَدِنَا إِنْدُونِيْسِيَا خَاصَّةً، وَسَائِرِ بُلْدَانِ الْمُسْلِمِيْنَ عَامَّةً، يَا رَبَّ الْعَالَمِيْنَ. اَللّٰهُمَّ أَصْلِحْ لَنَا دِيْنَنَا الَّذِيْ هُوَ عِصْمَةُ أَمْرِنَا، وَأَصْلِحْ لَنَا دُنْيَانَا الَّتِيْ فِيْهَا مَعَاشُنَا، وَأَصْلِحْ لَنَا آخِرَتَنَا الَّتِيْ إِلَيْهَا مَعَادُنَا، وَاجْعَلِ الْحَيَاةَ زِيَادَةً لَنَا فِيْ كُلِّ خَيْرٍ، وَاجْعَلِ الْمَوْتَ رَاحَةً لَنَا مِنْ كُلِّ شَرٍّ، بِرَحْمَتِكَ يَا أَرْحَمَ الرَّاحِمِيْنَ. رَبَّنَا آتِنَا فِى الدُّنْيَا حَسَنَةً، وَفِى الْآخِرَةِ حَسَنَةً، وَقِنَا عَذَابَ النَّارِ.

عِبَادَ اللّٰهِ، إِنَّ اللّٰهَ يَأْمُرُ بِالْعَدْلِ وَالْإِحْسَانِ، وَإِيْتَاءِ ذِي الْقُرْبَى، وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ. وَاذْكُرُوا اللّٰهَ الْعَظِيْمَ يَذْكُرْكُمْ، وَاشْكُرُوْهُ عَلَى نِعَمِهِ يَزِدْكُمْ، وَلَذِكْرُ اللّٰهِ أَكْبَرُ.