KHUTBAH JUMAT I
الْحَمْدُ لِلّٰهِ الَّذِي أَنْزَلَ الْأَحْكَامَ لِإِمْضَاءِ عِلْمِهِ الْقَدِيمِ، وَأَجْزَلَ الْإِنْعَامَ لِشَاكِرِ فَضْلِهِ الْعَمِيمِ. أَشْهَدُ أَنْ لَا إِلٰهَ إلَّا اللّٰهُ وَحْدَهُ لَا شَرِيكَ لَهُ الْبَرُّ الرَّحِيمُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ الْمَبْعُوثُ بِالدِّيْنِ الْقَوِيمِ. صَلَّى اللهُ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ وَسَلَّمَ أَفْضَلَ الصَّلَاةِ وَالتَّسْلِيمِ.
أَمَّا بَعْدُ: فَيَا عِبَادَ الْكَرِيْمِ، فَإِنِّي أُوْصِيكُمْ بِتَقْوَى اللَّهِ الْحَكِيْمِ، الْقَائِلِ فِي كِتَابِهِ الْقُرْآنِ الْعَظِيْمِ: وَمَا أَرْسَلْنَاكَ إِلا رَحْمَةً لِلْعَالَمِينَ
Ma’asyiral Muslimin jamaah Jumat anu dipikanyaah ku Allah
Puji sareng sukur, alhamdulillahi rabbil ‘alamin, mangrupikeun bubuka anu merenah pikeun urang jadikeun panganteur dina khutbah Jumaah ieu, minangka wujud rasa syukur kana sagala nikmat sareng kurnia anu parantos dipaparinkeun ku Allah ka urang sadaya.
Shalawat sareng salam mugia salawasna ngocor ka junjungan urang, Nabi Muhammad saw, ka kulawargina, para sahabatna, sareng para pangiringna anu satia nuturkeun tapak lacakna dugi ka ahir jaman.
Geus janten kawajiban pikeun simkuring salaku khatib salawasna ngingetan ka diri sorangan sareng ka sadaya jamaah, sangkan salawasna ngupayakeun ningkatkeun katakwaan ka Allah swt, ku ngalaksanakeun sagala parentah-Na sareng ngajauhan sagala larangan-Na.
Margi, takwa mangrupikeun saé-saéna bekel dina ngajalankeun kahirupan di dunya, ogé bekel kasalametan nuju ka ahirat engké.
Ma’asyiral Muslimin jamaah Jumat anu dipikanyaah ku Allah
Palaksanaan takwa henteu ngan ukur kaciri dina ibadah ritual wungkul, sapertos shalat, puasa, sareng sajabana. Nanging, kedah ogé kaciri dina kahirupan sapopoe urang, dimimitian tina cara nyarita, sikep, sareng kumaha urang ngadamel perlakuan ka sasama.
Ku margi kitu, saurang Muslim anu bertakwa sanés ngan ukur jalma anu rajin ibadah, nanging ogé jalma anu ayana mawa katengtreman sareng kanyamanan pikeun lingkungan di sabudeureunana.
Ieu mangrupikeun salah sahiji visi sareng misi agung diutusna Nabi Muhammad saw, nyaéta mawa katengtreman atanapi rahmat pikeun sakumna alam, sakumaha anu parantos dipaparin dina Al-Qur’an. Allah swt ngadawuh:
وَمَا أَرْسَلْنَاكَ إِلا رَحْمَةً لِلْعَالَمِينَ
Hartina, “Kami henteu ngutus anjeun (Nabi Muhammad), iwal jadi rahmat pikeun sakabéh alam.” (QS. Al-Anbiya’, [21]: 107).
Dina napsirkeun ayat di luhur, Ibnu Abbas sakumaha dikutip ku Imam al-Baghawi, ngadawuh yén diutusna Rasulullah minangka rahmat pikeun sakumna alam téh sipatna umum, ngawengku sakumna makhluk tanpa iwal, boh pikeun anu iman kana ajaran anu dibabawa ku anjeunna boh pikeun anu can iman.
Dina kitab Ma’alimut Tanzil fi Tafsiril Qur’anil Azim, jilid V, kaca 359 dipedar:
قَالَ ابْنُ عَبَّاسٍ: هُوَ عَامٌ فِي حَقِّ مَنْ آمَنَ وَمَنْ لَمْ يُؤْمِنْ
Hartina, “Ibnu Abbas nyarios: ‘Rahmat éta sipatna umum, berlaku pikeun saha waé anu iman boh anu can iman sakalipun.’”
Ma’asyiral Muslimin jamaah Jumat anu dipikanyaah ku Allah
Teras, kumaha carana sangkan urang janten muslim anu mawa katengtreman sareng henteu matak ngarésahkeun? Sahenteuna aya sababaraha cara anu tiasa urang laksanakeun dina kahirupan sapopoe.
Kahiji, ku salawasna ngajaga létah sangkan unggal ucapan anu medal henteu matak nganyenyeri batur.
Margi létah téh sanajan mangrupa bagian leutik tina anggota awak, nanging pangaruhna kacida gedéna.
Ku létah, urang tiasa nenangkeun sareng nyegerkeun hate batur. Nanging ku létah ogé urang tiasa nganyenyeri rarasaan maranéhna, mecahkeun duduluran, bahkan ngaruksak rumah tangga.
Henteu ngan ukur ngajaga létah, nanging ogé salawasna ngajaga panangan tina sagala lampah anu tiasa nganyenyeri batur, kalebet nalika ngagunakeun média sosial. Margi naon anu urang ketik, urang bagikeun, sareng urang koméntaran ogé mangrupa bagian tina lampah anu kedah dijaga sangkan henteu matak nganyenyeri batur.
Ku sabab éta, Rasulullah saw ngadawuh:
الْمُسْلِمُ مَنْ سَلِمَ الْمُسْلِمُونَ مِنْ لِسَانِهِ وَيَدِهِ
Hartina, “Muslim sajati nyaéta jalma anu muslim séjén salamet tina gangguan létah jeung leungeunna.” (HR. Al-Bukhari sareng Muslim).
Kadua, salawasna ngupayakeun janten muslim anu pinuh ku kanyaah.
Carana nyaéta ku janten pribadi anu gampang ngahampura, resep nulungan sasama, sareng paduli kana kaayaan batur.
Ku kituna, ku salawasna ngalaksanakeun lampah anu mulya éta, urang moal resep ningali batur sangsara, komo deui janten panyabab kasangsaraan éta.
Sikep nyaah ieu mangrupikeun salah sahiji inti ajaran Rasulullah saw.
Sakumaha anu parantos ditegeskeun dina salah sahiji haditsna:
الرَّاحِمُونَ يَرْحَمُهُمْ الرَّحْمَنُ! ارْحَمُوا مَنْ فِي الْأَرْضِ يَرْحَمْكُمْ مَنْ فِي السَّمَاءِ
Hartina, “Jalma-jalma anu nyaah ka sasama bakal dipikanyaah ku Allah Nu Maha Asih. Sing nyaah ka saha waé anu aya di bumi, tangtu pangeusi langit bakal nyaah ka maranéh.” (HR. At-Tirmidzi).
Katilu, salawasna ngupayakeun nahan amarah sareng ngagedékeun kasabaran.
Hal ieu kacida pentingna pikeun urang perhatikeun babarengan, margi amarah tiasa janten panyabab timbulna rupa-rupa lampah anu matak ngarésahkeun.
Contona, nalika aya jalma keur ambek, anjeunna gampang kaleungitan kadali, ngucapkeun kecap-kecap kasar, dugi ka ngalakukeun lampah anu bakal dipikasesel engké.
Ku kituna, janten manusa anu mawa katengtreman hartina urang kedah mampuh ngadalikeun émosi, nahan amarah, sareng nyanghareupan unggal pasualan kalayan pikiran anu tenang sareng pinuh ku kasabaran.
Patali sareng hal ieu, Rasulullah saw ngadawuh:
لَيْسَ الشَّدِيدُ بِالصُّرَعَةِ إِنَّمَا الشَّدِيدُ الَّذِي يَمْلِكُ نَفْسَهُ عِنْدَ الْغَضَبِ
Hartina, “Jalma anu kuat lain jalma anu pinter gulat, tapi jalma anu bisa nahan dirina waktu ambek.” (HR. Bukhari sareng Muslim).
Ma’asyiral Muslimin jamaah Jumat anu dipikanyaah ku Allah
Kitu khutbah Jumaah dina dinten ieu. Hayu urang sadaya ngupayakeun nyonto akhlak Rasulullah ku janten muslim anu ayana mawa katengtreman, sanés mawa karésahan.
Mugia Allah swt salawasna ngabimbing urang sangkan mampuh ngajaga létah, lampah, sareng sakumna sikep urang, sangkan urang sadaya kalebet kana golongan hamba-hamba-Na anu janten rahmat pikeun sakumna alam. Amin ya Rabbal ‘alamin.
بَارَكَ اللهُ لِيْ وَلَكُمْ فِي الْقُرْاٰنِ الْعَظِيْمِ وَنَفَعَنِي وَاِيَّاكُمْ بِمَا فِيْهِ مِنَ الْاٰيَاتِ وَالذِّكْرِ الْحَكِيْمِ وَتَقَبَّلَ مِنِّيْ وَمِنْكُمْ تِلَاوَتَهُ اِنَّهُ هُوَ السَّمِيْعُ الْعَلِيْمُ
KHUTBAH II
حَمْدُ للهِ حَمْدًا كَمَا أَمَرَ. أَشْهَدُ أَنْ لَااِلَهَ اِلَّا اللهُ وَحْدَهُ لَا شَرِيْكَ لَهُ، اِلَهٌ لَمْ يَزَلْ عَلَى كُلِّ شَيْءٍ وَكِيْلًا. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَحَبِيْبُهُ وَخَلِيْلُهُ، أَكْرَمُ الْأَوَّلِيْنَ وَالْأَخِرِيْنَ، اَلْمَبْعُوْثُ رَحْمَةً لِلْعَالَمِيْنَ. اللهم صَلِّ وَسَلِّمْ عَلَى سَيِّدِنَا مُحَمَّدٍ وَعَلىَ أَلِهِ وَأَصْحَابِهِ وَمَنْ كَانَ لَهُمْ مِنَ التَّابِعِيْنَ، صَلَاةً دَائِمَةً بِدَوَامِ السَّمَوَاتِ وَالْأَرْضِيْنَ
أَمَّا بَعْدُ: فَيَا أَيُّهَا الْحَاضِرُوْنَ اتَّقُوا اللَّهَ حَقَّ تُقَاتِهِ وَذَرُوْا الْفَوَاحِشَ مَا ظَهَرَ مِنْهَا وَمَا بَطَنَ. وَحَافِظُوْا عَلَى الطَّاعَةِ وَحُضُوْرِ الْجُمْعَةِ وَالْجَمَاعَةِ وَالصَّوْمِ وَجَمِيْعِ الْمَأْمُوْرَاتِ وَالْوَاجِبَاتِ. وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ بِنَفْسِهِ. وَثَنَّى بِمَلَائِكَةِ الْمُسَبِّحَةِ بِقُدْسِهِ. إِنَّ اللهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً
اَللّٰهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا اِبْرَاهِيْمَ وَعَلَى آلِ سَيِّدِنَا اِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا اِبْرَاهِيْمَ وَعَلَى آلِ سَيِّدِنَا اِبْرَاهِيْمَ فِيْ العَالَمِيْنَ اِنَّكَ حَمِيْدٌ مَجِيْدٌ.
اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اَلْأَحْيَاءِ مِنْهُمْ وِالْأَمْوَاتِ. اَللّٰهُمَّ ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَةً وَمِنْ بُلْدَانِ الْمُسْلِمِيْنَ عَامَةً، اِنَّكَ عَلَى كُلِّ شَيْءٍ قَدِيْرٌ
عِبَادَ اللهِ، اِنَّ اللهَ يَأْمُرُ بِالْعَدْلِ وَالْاِحْسَانِ وَاِيْتَاءِ ذِيْ الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذْكُرُوْا اللهَ الْعَظِيْمَ يَذْكُرُكُمْ وَلَذِكْرُ اللهِ أَكْبَرُ
Silahkan bergabung dengan kami di Grup Telegram, Wa, atau Facebook untuk mendapatkan materi terbaru dari KHUTBAHSINGKAT.com Sentuh 👉 GABUNG GRUP Kami menghimbau kepada pembaca untuk tetap mencantumkan penulis dan sumber sebagai bentuk amanah ilmiah dan penghargaan atas karya dakwah.
