Lewat perintah nyembelih Ismail, Allah kados-kados badhe ngemutaken Nabi Ibrahim bilih anak meniko namung titipan. Betapapun mahalipun kito nilai anak, kito mboten angsal terlena bilih namung Allahlah tujuwan akhir saking raos tresno lan taat.
Nabi Ibrahim lolos saking ujian meniko. Piyambakipun mbuktikaken menawi piyambakipun sanggup ngalahaken egonipun kangge tujuwan mertahanaken nilai-nilai Ilahi. Sawentawis Nabi Ismail, sanadyan umuripun taksih bocah, mampu mbuktikaken dados lare ingkang ngabekti dhateng pengeranipun.
Ingkang menarik, Bapakipun matur dhateng Ismail nyuwun pendapatipun langkung-langkung rumiyin, kelawan tutur tembung ingkang alus, tanpa unsur paksaan.
Sikap Nabi Ibrahim dhateng Ismail meniko maringi wucalan kangge para tiyang sepuh, sampun sapisan-pisan meksa anak kangge nglampahaken punapa-punapa senadyan meniko kelebet perkawis sae. Nanging tanglet utawi nyuwun pendapat dhateng anak, amargi secara mboten langsung hal meniko sgaed paring pelajaran dhateng anak kangge saling menghormati tiyang sanes.
Jamaah shalat idul adha hadâkumullâh,
Pelajaran kaping kalih inggih meniko tentang kamulyan manungso. Wonten ing kisah meniko kito ugi dipun-emutaken supados sampun nganggep awis punapa-punapa bilih meniko kangge mertahanaken nilai-nilai ketuhanan, nanging ing sisi sanes kito ugi dipunwantos-wantos supados mboten ngeremehaken nyawa lan getih manungso.
Panggantosan Nabi Ismail kaliyan domba ageng inggih meniko pesen nyata bilih pengorbanan dalam bentuk badan manungso kados tradisi salah setunggal kelompok ing jaman semanten inggih meniko hal ingkang diharamaken.
Manungso kaliyan manungso sanes saestunipun inggih meniko sadherek. Piyambakipun sedoyo dipunlahiraken saking setunggal bapak, inggih meniko Nabi Adam ‘Alaihissalâm. Larangan ngorbanaken manungso saleresipun penegasan tentang luhuripun manungso menggahipun Islam.
Hadirin rahimakumullah..
Pelajaran ingkang kaping tiga ingkang saged kito pendhet inggih meniko tentang hakikat pengorbanan. Sedekah daging kewan kurban meniko namung simbol. Makna korban meniko sejatosipun wiyar sanget, ngliputi pengorbanan ing ndalem wujud harta benda, tenaga, waktu, pikiran, lan sanes sanesipun.
BACA HALAMAN BERIKUTNYA..
