“Ina sanget, wong kang menangi wong tuwo karone kang sepuh; salah sijine utawa karone nanging ora ndadekake mlebu swarga (kasebab ngabekti marang karone)” (H.R. Muslim)
Kaum muslimin rahimakumullah
Kathah cara ngabekti dhateng tiyang sepuh, upaminipun ngrencangi nyambut damel, paring nafkah utawi sanes-sanesipun. Saking Abdullah bin ’Umar, Rasullah Shallallahu‘alayhi wasallam bersabda:
رِضَا الرَّبِّ فِي رِضَا الْوَالِدِ وَ سَخَطُ الرَّبِّ فِي سَخَطِ الْوَالِدِ
“Ridha Allah gumantung ing ridha tiyang sepuh lan murka Allah gumantung ing murka tiyang sepuh.” (HR. Tirmidzi)
Kaum muslimin rahimakumullah
Mendhet wucalan saking criyos Nabi Ibrahim lan Nabi Ismail As, kedahipun poro Bapak nyepeng tangan putranipun, lan mbekta ing margi kesaenan, margi hidayah lan kabegjan, mbekta piyambakipun sedaya ing majelis-majelis elmu agami. Sehinggo tiyang sepuh bakal panen buah ingkang agung sanget.
Tiyang sepuh kedahipun merhatosaken pendidikan agami Islam lan ndorong putro supados gadhah akhlak kelawan akhlak ingkang mulia lan terpuji.
Kelawan mekaten mangke, tiyang sepuh ajeng manen menopo ingkang sampun ditanamipun. Sang putro bakal dados penolong kangge tiyang sepuhipun.
Naliko lare sampun umur 7 tahun, tiyang sepuh wajib mucalaken dasar-dasar akidah dhateng piyambakipun. Tiyang sepuh kedah nepangaken Allah lan Rasul dhateng larenipun, kelawan mucalaken sifat-sifat wajib Allah.
Kaum Muslimin Rahimakumullah
Dados tiyang sepuh, kito ugi wajib mucalaken dhateng putro putri kito bilih Muhammad bin Abdullah inggih meniko kawulo lan utusanipun Allah dhateng sadayaning manungsa lan jin.
Piyambakipun dipunlahiraken lan dipunangkat dados Nabi ing makkah, lajeng hijrah dhateng madinah, pejah lan dimakamaken ing madinah. Piyambakipun inggih meniko Nabi pungkasan mboten wonten tiyang ingkang dipunangkat dados Nabi salajengipun.
Sadayaning wartos ingkang piyambakipun bekto inggih meniko leres wontenipun, piyambakipun mboten nate goroh. Sedaya ingkang piyambakipun wartosaken sampun kedados, saestu sampun kedados.
BACA HALAMAN SELANJUTNYA..
