Pesen punika maringi arahan ingkang luar biasa sanget kangge umat Islam ing ndalem gesang wonten ing donya punika, demi angsal kebahagiaan donya lan akhirat.
Sepindah, kita dipunajeng-ajeng terus nginggahaken ketakwaan lan amal kesaenan ing ngarso dalem Allah Subhanahu wata‘ala. Nglampahaken perintah-ipun lan sasaged mungkin nebihi punapa ingkang dados pantangan utawi larangan lebet gesang sesuai kaliyan tuntunan agami. Sehingga kita saged dados manungsa ingkang sae ing Ngarso dalem Allah SWT.
Kaping kalih, kita kedah rumaos kirang inggil amal kesaenan ingkang kita lampahaken kaliyan terus rumaos dhiri kita awon. Bab punika sanes gadhah artos ngandhapaken dhiri, nanging kangge nebihaken kita saking sikap ujub (sombong), riya (pamer), lan sum’ah (mengharap pujian tiyang sanes).
Kaping tiga, kita kedah menundukkan badan ing ajengan tiyang sanes kaliyan mboten rumaos langkung sae. Mungkin kathah ing antawis kita kala sumerep tiyang sanes, rumaos piyambakipun langkung sae utawi langkung mulia.
Maasyiral muslimin rakhimakumullah,
Lajeng kados pundi kita mampu nyurung dhiri kita kangge terus lampah kesaenan? Syekh Abdul Qadir al-Jailani nggadhahi cara seherhana ingkang saged kita lampahaken lebeting sadinten-dinten kita.
Nomer sepindah, bilih kita sumerep tiyang sanes kedahipun kita ningali menawi piyambakipun nggadhahi kalangkungan tinimbang dhiri kita piyambak, mungkin piyambakipun langkung bertakwa, langkung kathah amal kebajikanipun, langkung inggil derajatipun menggahipun Allah subhanahu wata‘ala.
Kaping kalih, bilih kita sumerep lare alit utawi langkung enem, sampun kita rumaos langkung sae saking piyambakipun. Manah kita kedah ngucap, “mungkin dosane langkung sakedhik tinimbang aku, amargi umuripun langkung sakedhik tinimbang aku.”
Sa-wangsulipun bilih kita sumerep tiyang langkung sepuh, kedahipun kita sumerep menawi piyambakipun sampun lampah kesaenan langkung kathah saking kita.
BACA HALAMAN BERIKUTNYA
