Miturut mayoritas ulama, shalat berjamaah niku sunnah muakkadah, dene miturut Imam Ahmad bin Hanbal, shalat berjamaah niku wajib.
Kanjeng Nabi SAW nalika sugeng dados utusan boten nate ninggal sholat berjamaah wonten mesjid senajan piyambakipun sakit.
Rasulullah SAW nate paring pepenget sanget babagan wajibipun shalat berjamaah ing masjid, kados wonten ing hadits ingkang diriwayataken dening Imam Bukhari Muslim mekaten:
وَالَّذِى نَفْسِى بِيَدِهِ لَقَدهممت أن اَمُرَ بِحَطْبٍ فَيَحْتَطِبُ ثُمَّ اَمُرَ بِا لصَّلاَةِ فَيُؤَذِّنَ لَهَا ثُمَّ اَمُرَ رَجُلاً فَيَؤُمَّ النَّاسَ, ثُمَّ اُخَالِفَ اِلَى رَجُالٍ لاَيَشْهَدُونَ الصَّلاَةَ فَأُحْرِقَ عَلَيْهِم بُيُوتَهُمْ – متفق عليه
Tegesipun: Demi jiwaku kang ana ing kuwasane, aku tekad ngumpulake kayu bakar, banjur aku perintah sawijine wong adzan lan ana wong kang mimpin umat, banjur aku marani wong-wong kang ora melu shalat, banjur aku ngobong omahe.
Ing sawijining wektu, Rasulullah dicedhaki dening salah sawijining sahabat ingkang ditresnani, yaiku Abdullah bin Umi Maktum.
Dhèwèké matur marang kanjeng Nabi yèn dhèwèké wuta lan ora ana kang nuntun dhèwèké menyang masjid, mula dhèwèké nyuwun marang kanjeng Nabi supaya diparingi kelonggaran supaya dhèwèké ora nindakake shalat jama’ah ing masjid.
Kanjeng Nabi lajeng dawuh:
هَلْ تَسْمَعُ النّدَاءَ بِالصَّلَةِ ? قَالَ نَعَمْ. قَالَ : فَأَجِبْ
Mekaten dhawuhipun Rasulullah dhateng umatipun supados tansah salat berjamaah wonten ing mesjid malah dhateng sahabat-sahabatnipun ingkang boten saged ningali utawi wuta.
Lajeng kados pundi kita umatipun ingkang dipun paringi kanikmatan ingkang sampurna. Wonten ing hadits sanes ingkang diriwayataken dening Imam Ahmad, Kanjeng Nabi dawuh:
لاَصَلاَةَ لِمَنْ جَارَ الْمَسْجِدَ اِلاَّ بِالْجَمَاعَة وَفِى رِوَايَة اِلاَّ فِى الْمَسْجِد – رواه احمد
Tegesipun: Sholate wong kang manggon ing jejere mesjid iku ora sampurna kejaba yen dheweke wis berjamaah. Ing sawijining riwayat, kajaba ing masjid.
Jama’ah sholat jumat Rahimakumullah
Hadits-hadits ing nginggil menika nedahaken kados pundi wigatosipun shalat berjamaah. Nabi negesake yen shalat jamaah ditindakake ing masjid.
BACA HALAMAN BERIKUTNYA..
