قَالَ رَسُولُ اللهِ صلى الله عليه وسلم: ذاَكَ شَهْرٌ يَغْفَلُ النّاسُ عَنْهُ يَعْنِي بَيْنَ رَجَب ورَمَضَان وَهُوَ شَهْرٌ تَرْفَعُ اْلأَعْمَالُ فِيْه إِلَى رَبّ العالمين فَأُحِبُّ أَنْ يَرْفَعَ عَمَلِيْ وأنا صَائِمٌ
Artosipun: Sasi Punika (sya‘ban) inggih punika sasi ingkang dipunsupekaken manungsa, wonten ing antawis rejeb lan pasa. Lan piyambakipun inggih punika sasi diangkatipun amal ibadah dhateng pengeran jagad alam, mila ingsun (Nabi Muhammad) remen amal ibadahku diangkat nalika aku siyam. (HR an-Nasa’i)
Garwanipun Kanjeng Nabi, Aisyah radliyallahu anha ngeriwayataken: namung ing sasi Ramadhan Nabi Muhammad siyam se sasi kebak lan kula mboten sumerep piyambakipun asring siyam kejawi ing sasi Sya’Ban. (HR al-Bukhari).
Lebet riwayat Ahmad dipunsebataken: siyam ingkang dipunremeni Kanjeng Nabi inggih punika siyam ing sasi Sya’Ban. Punika nandhakaken menawi persiapan nyambut sasi Ramadhan ingkang dicontohaken Rasulullah salah satunggalipun inggih punika siyam.
Sasi sya’ban inggih punika wekdal ingkang leres kangge siyam, kangge nglatih dhiri supados kulinten siyam sesasi kebak salami Ramadhan. Tiyang ingkang nglampahaken siyam Sya’ban kelebet tiyang ingkang muliakaaken lan ngurmati sasi Ramadhan. Rasulullah nate bersabda: Siyam sya’ban Punika kangge ngagungaken Ramadhan. (HR at-Tirmidzi).
Jamaah rahimakumullah
Kangge umumipun umat Islam, mungkin siyam mlebet deretan ingkang terberat ing antawis ibadah-ibadah sanesipun. Siyam ngajeng-ajeng kita kangge bertahan lebet luwe lan ngelak wiwit terbit fajar ngantos lingsir srengenge.
Sanadyan mekaten, lebet puasalah, kita angsal pendidikan ruhani ingkang luar biasa. Siyam mboten namung nahan dhiri saking aktivitas dahar lan ngombe nanging ugi aktivitas benten ingkang dados selera hawa nafsu, kados ngerasani tiyang, boros, pamer, remen dipuji, rumaos langkung salih, remen mbriji keimanan tiyang sanes, lan sanes-sanesipun. Hal Punika saged kedados bilih kita memaknai siyam ing ndalem kaleh macem, inggih punika jasmani lan ruhani.
BACA HALAMAN BERIKUTNYA..
