Sakepripun katrangan Ibnu ‘Asyur naliko nafsiraken serat at-taubah ayat 36 ing inggil:
وَاعْلَمْ أَنَّ تَفْضِيْلَ اْلأَوْقَاتِ وَالْبِقَاعِ يُشَبِّهُ تَفْضِيْلَ النَّاسِ، فَتَفْضِيْلُ النَّاسِ بِمَا يَصْدُرُ عَنْهُمْ مِنَ اْلأَعْمَالِ الصَّالِحَةِ، وَاْلأَخْلَاقِ اْلكَرِيْمَةِ
Artosipun: “Weruho siro kabeh yen dimulyakake waktu lan papan tinemtu yoiku kehendak dimulyakake manungsa, liwat perbuatan-perbuatan apik lan akhlak mulya kang dheweke kabeh tindakake. (Muhammad ibnu ‘asyur jero at-tharîr wat tanwîr)”
Hadirin jamaah jumah rahimakumullah
Ing antawisipun amalan ingkang sanget dipunanjuraken ing wulan pertama kalender Hijriah inggih meniko siyam. Lebet hadits riwayat Ibnu Majah dipunjlentrehaken: Salah setunggal tiyang manggihi Rasulullah SAW lan tanglet: Sasampunipun Ramadhan, siyam ing wulan menopo ingkang langkung afdhal? Nabi mangsuli: Poso ing wulan Allah, yoiku wulan kang siro kabeh sebut wulan Muharram.
Panyebatan Muharram dados wulan Allah utawi Syahrullâh nedahi posisi wulan meniko sanget spesial. Riwayat Ibnu Majah nyebat, siyam ing dinten ‘Asyura (10 Muharram) saged mbusek dosa-dosa satahun ingkang sampun keliwat. Kejawi 10 Muharram, siyam ugi dipunanjuraken ing dinten-dinten sanes ing wulan meniko.
Amalan sanes ingkang saged digiatkan inggih meniko ningkataken solidaritas antar sesama. Kathah-kathah umat Islam, utaminipun ing indonesia, ndadosaken momen Muharram dados riyadin lare yatim kaliyan nyukani santunan dhateng lare-lare ingkang mboten gadah tiyang sepuh lan secara ekonomi lemah.
Jamaah jemuwah rahimakumullah
BACA HALAMAN BERIKUTNYA..
