1. ذِكْرُالذُّنُوْبِ المَاضِيَةِ artosipun, emut kaliyan dosa-dosa ingkang nate dipunlampahaken.
Dados manungsa estu mboten nate luput saking lepat lan dosa. Pramila, kita nggih mesthi nglampahaken tumindak dosa. Mungkin kita nate mboten nglampahaken kewajiban dhateng Allah, mungkin ugi kita nate nglanggar ketentuan Allah, mungkin ugi kita nate nglanggar hak-hak tiyang sepuh kita, semah/bojo kita, putra-putri kita, malah mungkin umat manungsa sanesipun.
Pramila, supados kita saestu dados tiyang ingkang begja, mila kita nggih nggetuni lampahan dosa ingkang nate dipunlampahaken kelawan cara istighfar kangge taubat dhateng Allah SWT.
Sampun ngantos kita getun ing akhirat mangke, amargi kita enggal emut dosa-dosa ingkang nate kita lampahaken kala wonten ing padang mahsyar.
Gegayutan bab punika Allah sampun ngemutaken kita lebeting al Qur’An serat an-nazi’at 34-35:
{ فَإِذَا جَاۤءَتِ ٱلطَّاۤمَّةُ ٱلۡكُبۡرَىٰ (34) یَوۡمَ یَتَذَكَّرُ ٱلۡإِنسَـٰنُ مَا سَعَىٰ (35) }
“Menawi dinten kiamat sampun dugi, mila ing dinten punika manungsa enggal emut kaliyan punapa ingkang sampun dipun lampahi nalika gesang, termasuk dosa-dosa ingkang sampun dipun lampahi.”
Hadirin jamaah jum’ah rahimakumullah, tanda-tanda tiyang begja ingkang kaping kalih inggih punika
2. وَنِسْيَانُ الْحَسَنَاتِ الْمَاضِيَةِ Ngelaleake kesaenan ingkang nate dipunlampahaken.
Limrahipun sifat dhasar manungsa inggih punika tansah remen menyebut-nyebut utawi malah dipuji amargi sampun nglampahaken kesaenan. Nanging sanes kados punika menggahipun agama Islam.
Tiyang ingkang malah ngelalekake kesaenan inggih punika tiyang ingkang begja, lan sa-wangsulipun tiyang ingkang remen ngeling-ngeling kesaenanipun malah kelebet tiyang-tiyang ingkang rugi.
Kenging punapa saged kados punika, amargi saya ngemut-emut kesaenanipun, mila sakedhik saya sakedhik ganjaran saking kesaenan kasebat ical lan pungkasanipun telas.
Allah sampun dawuh wonten Q. S. al-Baqarah 264:
يٰٓاَيُّهَا الَّذِيْنَ اٰمَنُوْا لَا تُبْطِلُوْا صَدَقٰتِكُمْ بِالْمَنِّ وَالْاَذٰىۙ
“He wong-wong kang podo Iman! aja siro kabeh ngrusak sedekahmu kelawan menyebut-nyebut lan ngelarani (perasaan wong kang nerimo sedekah),”
BACA HALAMAN BERIKUTNYA..
