Hikmah ujian dari Allah kaangguy nyedhanin potrana enggi ka’dinto rassa ikhlas dalem ajhalannagi pakonepon Allah SWT. Rassa ikhlas menangka salah settong kunci kaangghuy ngaolle ridha’epon Allah SWT, kalaban ajhalannagi ponapa se daddhi pakonepon tor ajhaui sadhaja laranganepon. Manabi badhan kaula sadhaja alaksanaagi ‘ibada tak kalaban e dhasare ikhlas maka bhakal parcoma, tak aberik peguna.
إِنَّ اللَّهَ لا يَقْبَلُ مِنْ الْعَمَلِ إِلا مَا كَانَ لَهُ خَالِصًا وَابْتُغِيَ بِهِ وَجْهُهُ
Arteepon: Allah tak bakal narema amal, angeng amal (‘ibada) se edhasare ikhlas tor karana nyopre ridha’epon Allah SWT. (HR. Nasa’i)
Ma’asyiral Muslimin wal Muslimat rahimakumullah
Dalam alaksanaagin ‘ibada kurban badhan kaula sadhaja parlo edasaren rassa ikhlas tor siap ngorbannagi sabagian arta badhan kaula sadhaja kaangguy orang laen se hakekattepon parlo badhan kaula sadhaja ngaghali jha’ sadhajana ka’dinto kaaghunganna Allah swt.
Asabab ‘ibada kurban kaangghuy Allah SWT, maka ampon samastena badhan kaula sadhaja apareng kebhan kurban se paleng bagus se ekaagungin badhan kaula sadhaja. Hal ka’dinto bhakal daddhi bagian dari bhukte kata’atan badhan kaula sadhaja.
BACA HALAMAN BERIKUTNYA..
