Kados pundi sampun kita mangertosi, ibadah qurban punika maringi piwucal bab ikhlas ing ibadah saha rasa peduli dhateng sesami, utaminipun dhateng para fakir miskin.
Nabi Ibrahim AS sampun nedahaken ketulusan manah saha pasrah sakathah-kathahipun dhateng dhawuh Allah, ingkang ndadosaken piwulang ketaatan sejati. Ingkang kaping kalih, daging qurban dipun bagiaken kanggé nyawiji ukhuwah lan ngendhihaken kesenjangan sosial.
Sak sampunipun Idul Adha lan ibadah qurban, semangat punika kedah kita wujudaken wonten ing gesang saben dinten. Wujud kepedulian punika saged kita lampahi kanthi bentuk sanès, kados dene sedekah rutin, beasiswa, utawi bakti sosial.
Kita ugi kedah ngembangaken raos empati sosial wonten ing lingkungan, kados dene mbantu tangga teparo, nulungi ingkang lemah lan mbutuhaken, saha dados tiyang ingkang dermawan.
Tulung-tinulung punika kedah kita biasakaken, ing kala lapang utawi sempit. Allah SWT dhawuh:
وَسَارِعُوْٓا اِلٰى مَغْفِرَةٍ مِّنْ رَّبِّكُمْ وَجَنَّةٍ عَرْضُهَا السَّمٰوٰتُ وَالْاَرْضُۙ اُعِدَّتْ لِلْمُتَّقِيْنَۙ الَّذِيْنَ يُنْفِقُوْنَ فِى السَّرَّۤاءِ وَالضَّرَّۤاءِ وَالْكٰظِمِيْنَ الْغَيْظَ وَالْعَافِيْنَ عَنِ النَّاسِۗ وَاللّٰهُ يُحِبُّ الْمُحْسِنِيْنَۚ
Tegesipun: “Ayo cepet-cepeta golek pangapura saka Pengeranmu lan swarga sing ambané kaya langit lan bumi, sing wis disediyakake kanggo wong-wong sing padha taqwa. Yakuwi wong-wong sing seneng aweh (infak), wektu luang utawa wektu sempit, wong-wong sing iso nahan nesu, lan wong-wong sing gelem memaafké kesalahané wong liya. Allah seneng karo wong-wong sing seneng nindakké kabecikan.” (QS. Ali ‘Imran: 133-134)
Ma’asyiral muslimin rahimakumullah
Semangat haji ugi kedah tansah kita jaga, mliginipun kanggé para jamaah ingkang sampun diparingi kasempatan nglampahi haji taun punika, utawi ingkang sampun nate nglampahi rukun Islam ingkang kaping gangsal punika.
Kita kedah ngraosaken bilih haji punika ibadah jasmani lan rohani ingkang kebak makna lan simbol-simbol pangowahan dhiri. Saking ihram tumuju tawaf, sa’i, wukuf – samukawis punika prosès pangsucèn jiwa lan teteging komitmen dados hamba Allah ingkang langkung sae.
BACA HALAMAN BERIKUTNYA..
