Sawisé nglampahi ibadah haji, nilai-nilai lan semangat haji punika kedah dipun terusaken, kanthi njaga kalubèran ati saking sifat ala kados riya’, iri, lan dendam. Kita ugi kedah nambah disiplin ibadah padintenan kados sholat jamaah, maos Al-Qur’an, dzikir lan ibadah sanèsipun.
Semangat haji punika kedah saged kita wujudaken kanthi dados agen owah-owahan ingkang nyebar kabecikan ing tengahing masyarakat, kalebet ing donya kerja saha kulawarga.
Haji punika kedah dados momentum transformasi dhiri dhateng kabecikan sejati. Allah, lumantar Rasulullah SAW ngendika:
عن جابر أَنَّ النَبِيَّ صلى الله عليه وسلم قال إِنَّ هَذَا البَيْتَ دِعَامَةٌ مِنْ دَعَائِمِ الإِسْلَامِ فَمَنْ حَجَّ البَيْتَ أَوْ اعْتَمَرَ فَهُوَ ضَامِنٌ عَلَى اللهِ فَإِنْ مَاتَ أَدْخَلَهُ الجَنَّةَ وَإِنْ رَدَّهُ إِلَى أَهْلِهِ رَدَّهُ بِأَجْرٍ وَغَنِيْمَةٍ
Tegesipun: “Saking Jabir RA, Rasulullah SAW ngendika: ‘Kabèh ngerti yen Ka’bah kuwi salah siji saka tiangé Islam. Sapa wae sing nekani Ka’bah kanggo haji utawa umrah, wong kuwi dadi tanggungane Allah. Nek dheweke mati, Allah bakal mlebuaké menyang swarga. Tapi nek dheweke bali meneh ketemu karo keluargané, mesthi bakal dibalekké karo ganjaran lan pahala (ghanimah).’” (HR. At-Thabrani)
Ma’asyiral muslimin rahimakumullah
Idul Adha, kanthi ibadah haji lan qurban, sejatinipun boten namung pestanipun sesaat. Kalih ibadah punika punika dados titik wiwitan kanggé pambaharuan dhiri lan sosial.
Semangat qurban lan haji punika kedah kita lestantunaken, dados sipat ingkang tansah nempel wonten ing gesang kita sapadinten.
Mekaten, kita boten namung mengeti pengorbananipun Nabi Ibrahim lan Nabi Ismail, nanging ugi nglebetaken lan ngleladeni nilai-nilainipun ing saben aspek gesang.
Sumangga kita anggep pasca Idul Adha punika dados wiwitan enggal kanggé ngembangaken taqwa, iman, rasa kemanusiaan, adil, sarta istiqamah ing ibadah.
BACA HALAMAN BERIKUTNYA..
