Khutbah Jumat NU Online Singkat Padat: Keutamaan dan Pahala Berkurban (B. Jawa)

KHUTBAH JUMAT PERTAMA

اَلْحَمْدُ لِلهِ وَاسِعِ الْفَضْلِ وَالْاِحْسَانِ، وَمُضَاعِفِ الْحَسَنَاتِ لِذَوِي الْاِيْمَانِ وَالْاِحْسَانِ، اَلْغَنِيِّ الَّذِيْ لَمِ تَزَلْ سَحَائِبُ جُوْدِهِ تَسِحُّ الْخَيْرَاتِ كُلَّ وَقْتٍ وَأَوَانٍ، العَلِيْمِ الَّذِيْ لَايَخْفَى عَلَيْهِ خَوَاطِرُ الْجَنَانِ، اَلْحَيِّ الْقَيُّوْمِ الَّذِيْ لَاتَغِيْضُ نَفَقَاتُهُ بِمَرِّ الدُّهُوْرِ وَالْأَزْمَانِ، اَلْكَرِيْمِ الَّذِيْ تَأَذَّنَ بِالْمَزِيْدِ لِذَوِي الشُّكْرَانِ. أَحْمَدُهُ حُمْدًا يَفُوْقُ الْعَدَّ وَالْحُسْبَانِ، وَأَشْكُرُهُ شُكْرًا نَنَالُ بِهِ مِنْهُ مَوَاهِبَ الرِّضْوَانِ

أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ دَائِمُ الْمُلْكِ وَالسُّلْطَانِ، وَمُبْرِزُ كُلِّ مَنْ سِوَاهُ مِنَ الْعَدَمِ اِلَى الْوِجْدَانِ، عَالِمُ الظَّاهِرِ وَمَا انْطَوَى عَلَيْهِ الْجَنَانِ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَخِيْرَتُهُ مِنْ نَوْعِ الْاِنْسَانِ، نَبِيٌّ رَفَعَ اللهُ بِهِ الْحَقَّ حَتَّى اتَّضَحَ وَاسْتَبَانَ. صَلَّى اللهُ عَلَيْهِ وَعَلَى أَلِهِ وَأَصْحَابِهِ أَهْلِ الصِّدْقِ وَالْاِحْسَانِ.

أَمَّا بَعْدُ، أَيُّهَا الْاِخْوَانُ أُوْصِيْكُمْ وَاِيَايَ بِتَقْوَى اللهِ وَطَاعَتِهِ، بِامْتِثَالِ أَوَامِرِهِ وَاجْتِنَابِ نَوَاهِيْهِ. قَالَ اللهُ تَعَالَى فِيْ كِتَابِهِ الْكَرِيْمِ: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلا تَمُوتُنَّ إِلاَّ وَأَنْتُمْ مُسْلِمُونَ

مَا عَمِلَ آدَمِىٌّ مِنْ عَمَلٍ يَوْمَ النَّحْرِ أَحَبَّ إِلَى اللَّهِ مِنْ إِهْرَاقِ دَمٍ وَإِنَّهُ لَيَأْتِى يَوْمَ الْقِيَامَةِ فِى فَرْثِهِ بِقُرُونِهَا وَأَشْعَارِهَا وَأَظْلاَفِهَا وَإِنَّ الدَّمَ لَيَقَعُ مِنَ اللَّهِ بِمَكَانٍ قَبْلَ أَنْ يَقَعَ فِى الأَرْضِ فَطِيبُوا بِهَا نَفْسًا

Ma’asyiral Muslimin jamaah Jumat ingkang dipun rahmati Allah

Ing kesempatan ingkang mulya menika, sumangga kita sedaya tansah ngudi ningkataken kadar keimanan lan ketakwaan kita dhateng Allah SWT. Kanthi nglampahi sedaya dhawuhipun Allah lan nebihi sedaya laranganipun Allah SWT.

Amargi kedah kita emut, bilih namung kanthi bekal takwa, kita sedaya saged dados kawula ingkang wilujeng wonten ing donya lan wilujeng wonten ing akhirat.

Salah satunggaling sarana kangge ningkataken keimanan lan ketakwaan dhateng Allah SWT inggih menika kanthi tansah ngupadi nggayuh katresnan lan sih pangasihanipun Allah SWT.

Caranipun inggih menika kanthi istiqamah nglampahi sedaya ingkang sampun dipun dhawuhaken dening Allah SWT. Inggih punika dhawuh ingkang wajib; kados shalat, pasa, zakat, lan sanesipun. Ugi dhawuh sunnah; kados ta berkurban nalika riyaya Idul Adha.

Kanthi mekaten, mila Allah badhe maringi katresnan dhateng kita sedaya. Bab menika kados sabdanipun Rasulullah SAW:

مَا تَقَرَّبَ إِلَىَّ عَبْدِى بِشَىْءٍ أَحَبَّ إِلَىَّ مِمَّا افْتَرَضْتُ عَلَيْهِ، وَمَا يَزَالُ يَتَقَرَّبُ إِلَىَّ بِالنَّوَافِلِ حَتَّى أُحِبَّهُ

Tegesipun, “Ora ana hambaku nyedhak marang Aku nganggo perkara sing luwih Aku tresnani kejaba perkara-perkara sing wis Aku wajibake marang dheweke. Lan hambaku tansah nyedhak marang Aku nganggo amalan-amalan sunnah nganti Aku tresna marang dheweke.” (HR Bukhari).

Amalan sunnah ingkang saged kita lampahi kathah sanget warni-warniipun. Lan salah satunggalipun inggih menika kanthi cara berkurban. Berkurban menika kalebet amalan ingkang sanget dipun anjuraken wonten ing agama Islam (hukume sunnah muakkad). Bab menika kados ingkang sampun dipun tegaskan wonten ing Al-Qur’an:

إِنَّا أَعْطَيْنَاكَ الْكَوْثَرَ (١) فَصَلِّ لِرَبِّكَ وَانْحَرْ (٢)

Tegesipun, “Satemene Ingsun wis menehi marang sira (Muhammad) nikmat kang akeh. Mula ngelakonana shalat amarga Pangeranira, lan nyembelihen kurban minangka ibadah lan nyedhak marang Allah.” (QS Al-Kautsar [108]: 1-2).

Adhedhasar ayat menika, kita sedaya sanget dipun anjuraken kangge berkurban sasampunipun nglampahi shalat riyaya Idul Adha, kanthi unta, sapi, kambing, utawi domba.

Ananing anjuran menika boten sanes minangka wujud syukur dhateng Allah SWT, awit saking sedaya nikmat lan karunia ingkang sampun dipun paringaken dhateng kita sedaya.

Ma’asyiral Muslimin jamaah Jumat ingkang dipun rahmati Allah

Berkurban nalika riyaya Idul Adha gadhah keutamaan lan kamulyan ingkang sanget ageng, lan kalebet satunggaling amalan ingkang sanget dipun remeni dening Allah SWT.

Mila saking punika, Allah enggal nyawisaken pahala kangge tiyang-tiyang ingkang berkurban, sanajan lading nembe dipun gesekaken wonten ing gulunipun kewan. Malah pahala menika sampun dipun paringaken sadèrèngipun getih kewan kurban nelesi lemah.

Bab menika minangka ganjaran tumrap ketaatanipun tiyang-tiyang ingkang berkurban anggenipun netepi dhawuh Allah SWT. Wonten ing salah satunggaling haditsipun, Nabi SAW dhawuh:

Tegesipun, “Ora ana amalan sing ditindakake manungsa ing dina raya kurban sing luwih ditresnani Allah kejaba nyembelih kewan kurban. Satemene kewan kurban iku bakal teka ing dina kiamat nggawa sungu-sungune, wulune, lan kukune. Lan satemene getihe kurban iku wis ditampa dening Allah sadurunge tiba ing lemah. Mula senengna atimu kanggo nglakoni kurban.” (HR at-Tirmidzi).

Sanes saking keutamaan menika, Syekh Abdul Qadir al-Jilani wonten ing salah satunggaling kitabipun nerangaken bilih, wonten satunggaling wekdal Nabi Dawud nate nyuwun pirsa dhateng Allah bab pahala utawi ganjaran kangge umat Nabi Muhammad ingkang berkurban. Lajeng Allah paring wangsulan:

ثَوَابُهُ أَنْ أَعْطِيَهُ بِكُلِّ شَعْرَةٍ عَلىَ جَسَدِهَا عَشْرَ حَسَنَاتٍ وَأَمْحُوْ عَنْهُ عَشْرَ سَيِّئَاتٍ وَأَرْفَعُ لَهُ عَشْرَ دَرَجَاتٍ. أَمَّا عَلِمْتَ يَا دَاوُدَ أَنَّ الضَّحَايَا هِيَ الْمَطَايَا وَأَنَّ الضَّحَايَا تَمْحُوْ الْخَطَايَا

Tegesipun, “Pahalane yaiku saben wulu kewan kurbane bakal Dakwenehi sepuluh kabecikan, Dakhapus sepuluh dosane, lan Dakingkatake sepuluh drajate. Ngertia he Dawud, satemene kewan kurban iku dadi kendaraan lan satemene kewan kurban iku bisa mbusak kesalahan-kesalahan.”

Ma’asyiral Muslimin jamaah Jumat ingkang dipun rahmati Allah

Mekaten punika sawetawis kamulyan lan pahala ingkang badhe dipun paringaken dening Allah dhateng kita ingkang berkurban. Mila ing momentum riyaya Idul Adha menika, sumangga kita sami ndadosaken ajang kangge sami-sami berkurban, minangka wujud netepi dhawuh Allah.

Lajeng kados pundi tumrap kita ingkang dereng saged berkurban? Kathah perkawis ingkang saged kita lampahi supados pikantuk pahala wonten ing wulan Dzulhijjah. Antawisipun inggih menika:

Nggathahaken dzikir, umpaminipun maos Takbir, Tahmid, lan Tasbih boten kirang saking 100 kaping saben dinten.
Nggathahaken amal shaleh, umpaminipun mbiyantu nyembelih kewan kurban, mbagekaken daging kurban, ngolah daging kurban, lan sanesipun.
Nglampahi sunnah-sunnah wonten ing wulan Dzulhijjah, kados pasa Dzulhijjah wiwit tanggal 1 dumugi 7, lajeng pasa Tarwiyah tanggal 8 lan pasa Arafah tanggal 9 Dzulhijjah.

Hadirin maasyiral Muslimin Rahimakumullah

Mekaten khutbah Jumat ingkang saged kula aturaken. Mugi-mugi kita sedaya dipun paringi kabisan dening Allah SWT kangge berkurban. Lan mugi-mugi kita sedaya pikantuk hidayah supados saged nglampahi amal shaleh wonten ing wulan Dzulhijjah. Sahinggo kita kalebet golongan tiyang-tiyang ingkang dipun tresnani dening Allah SWT. Amin ya rabbal alamin.

بَارَكَ اللهُ لِي وَلَكُمْ فيِ القُرْآنِ العَظِيْمِ، وَنَفَعَنيِ وَإِيَّاكُمْ بِمَا فِيْهِ مِنَ اْلآياَتِ وَالذِّكْرِ الحَكِيْمِ وَتَقَبَّلَ مِنيِّ وَمِنْكُمْ تِلاَوَتَهُ َإِنَّهُ هُوَ السَّمِيْعُ العَلِيْمُ.

KHUTBAH KEDUA

اَلْحَمْدُ لله الَّذِيْ أَرْسَلَ رَسُوْلَهُ بِالْهُدَى وَدِيْنِ الْحَقِّ، لِيُظْهِرَهُ عَلَى الدِّيْنِ كُلِّهِ وَكَفَى بِاللهِ شَهِيْدًا، أَشْهَدُ أَنْ لاَ إِلَهَ إِلاَّ اللهُ, وَأَشْهَدُ أَنَّ مُحَمَّدًا رَسُوْلُ اللهِ, اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ اَجْمَعِيْنَ

أَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ الْمُسَبِّحَةِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ.

اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ.

رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَاإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ

عِبَادَاللهِ! إِنَّ اللهَ يَأْمُرُبِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ