Khutbah Jumat NU Online Bahasa Sunda: Keutamaan dan Pahala Berkurban

KHUTBAH JUMAT PERTAMA

اَلْحَمْدُ لِلهِ وَاسِعِ الْفَضْلِ وَالْاِحْسَانِ، وَمُضَاعِفِ الْحَسَنَاتِ لِذَوِي الْاِيْمَانِ وَالْاِحْسَانِ، اَلْغَنِيِّ الَّذِيْ لَمِ تَزَلْ سَحَائِبُ جُوْدِهِ تَسِحُّ الْخَيْرَاتِ كُلَّ وَقْتٍ وَأَوَانٍ، العَلِيْمِ الَّذِيْ لَايَخْفَى عَلَيْهِ خَوَاطِرُ الْجَنَانِ، اَلْحَيِّ الْقَيُّوْمِ الَّذِيْ لَاتَغِيْضُ نَفَقَاتُهُ بِمَرِّ الدُّهُوْرِ وَالْأَزْمَانِ، اَلْكَرِيْمِ الَّذِيْ تَأَذَّنَ بِالْمَزِيْدِ لِذَوِي الشُّكْرَانِ. أَحْمَدُهُ حُمْدًا يَفُوْقُ الْعَدَّ وَالْحُسْبَانِ، وَأَشْكُرُهُ شُكْرًا نَنَالُ بِهِ مِنْهُ مَوَاهِبَ الرِّضْوَانِ

أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ دَائِمُ الْمُلْكِ وَالسُّلْطَانِ، وَمُبْرِزُ كُلِّ مَنْ سِوَاهُ مِنَ الْعَدَمِ اِلَى الْوِجْدَانِ، عَالِمُ الظَّاهِرِ وَمَا انْطَوَى عَلَيْهِ الْجَنَانِ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَخِيْرَتُهُ مِنْ نَوْعِ الْاِنْسَانِ، نَبِيٌّ رَفَعَ اللهُ بِهِ الْحَقَّ حَتَّى اتَّضَحَ وَاسْتَبَانَ. صَلَّى اللهُ عَلَيْهِ وَعَلَى أَلِهِ وَأَصْحَابِهِ أَهْلِ الصِّدْقِ وَالْاِحْسَانِ.

أَمَّا بَعْدُ، أَيُّهَا الْاِخْوَانُ أُوْصِيْكُمْ وَاِيَايَ بِتَقْوَى اللهِ وَطَاعَتِهِ، بِامْتِثَالِ أَوَامِرِهِ وَاجْتِنَابِ نَوَاهِيْهِ. قَالَ اللهُ تَعَالَى فِيْ كِتَابِهِ الْكَرِيْمِ: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلا تَمُوتُنَّ إِلاَّ وَأَنْتُمْ مُسْلِمُونَ

Ma’asyiral Muslimin jamaah Jumaah anu dipaparin rahmat ku Allah

Dina kasempetan anu mulya ieu, hayu urang sadayana sami-sami narékahan ningkatkeun kadar kaimanan sareng katakwaan urang ka Allah SWT. Ku cara ngalaksanakeun sagala parentah Allah sareng ngajauhan sagala larangan Allah SWT.

Sabab kedah urang émut, yén ngan ku modal takwa, urang sadaya tiasa janten hamba anu salamet di dunya sareng salamet di akhirat.

Salah sahiji jalan pikeun ningkatkeun kaimanan sareng katakwaan ka Allah SWT nyaéta ku terus narékahan ngahontal cinta sareng kanyaah Allah SWT.

Carana nyaéta ku istiqamah ngalaksanakeun sagala anu parantos diparentahkeun ku Allah SWT. Boh parentah anu wajib; sapertos shalat, puasa, zakat, sareng sajabina. Kitu deui parentah sunnah; sapertos berkurban dina poé raya Idul Adha.

Ku cara kitu, mangka Allah bakal mikanyaah ka urang sadaya. Ieu sakumaha sabda Rasulullah SAW:

مَا تَقَرَّبَ إِلَىَّ عَبْدِى بِشَىْءٍ أَحَبَّ إِلَىَّ مِمَّا افْتَرَضْتُ عَلَيْهِ، وَمَا يَزَالُ يَتَقَرَّبُ إِلَىَّ بِالنَّوَافِلِ حَتَّى أُحِبَّهُ

Hartina, “Teu aya saurang hamba-Ku nu ngadeukeutkeun diri ka Kami ku hiji amalan anu leuwih dipikacinta ku Kami tibatan perkara-perkara anu geus diwajibkeun ka manehna. Jeung hamba-Ku terus ngadeukeutkeun diri ka Kami ku amalan-amalan sunnah nepi ka Kami mikacinta ka manehna.” (HR Bukhari).

Amalan sunnah anu tiasa urang lakukeun seueur pisan rupina. Sareng salah sahijina nyaéta ku cara berkurban. Berkurban mangrupikeun amalan anu kacida dianjurkeunana dina Islam (hukumna sunnah muakkad). Ieu sakumaha parantos ditegaskan dina Al-Qur’an:

إِنَّا أَعْطَيْنَاكَ الْكَوْثَرَ (١) فَصَلِّ لِرَبِّكَ وَانْحَرْ (٢)

Hartina, “Saéstuna Kami geus méré ka maneh (Muhammad) nikmat anu loba. Ku kituna laksanakeun shalat pikeun Gusti maneh, jeung berkurbanlah.” (QS Al-Kautsar [108]: 1-2).

Dumasar kana ayat ieu, urang sadaya kacida dianjurkeunana pikeun berkurban sanggeus ngalaksanakeun shalat Idul Adha, boh ku onta, sapi, kambing, atanapi domba.

Ayana anjuran éta teu sanés minangka wujud rasa syukur ka Allah SWT, kana sagala nikmat sareng karunia anu parantos dipaparinkeun ka urang sadaya.

Ma’asyiral Muslimin jamaah Jumaah anu dipaparin rahmat ku Allah

Berkurban dina poé raya Idul Adha miboga kautamaan sareng kamulyaan anu kacida luhurna, sareng mangrupikeun salah sahiji amalan anu paling dipikaresep ku Allah SWT.

Ku sabab kitu, Allah langsung nyiapkeun pahala pikeun jalma-jalma anu berkurban, sanajan péso kakara digesekkeun kana beuheung sasatoan. Malahan, pahala éta dipaparinkeun saméméh getih sasatoan kurban noél kana taneuh.

Éta mangrupikeun balasan tina kataatan jalma-jalma anu berkurban dina nyumponan panggero Allah SWT. Dina salah sahiji haditsna, Nabi SAW ngadawuh:

مَا عَمِلَ آدَمِىٌّ مِنْ عَمَلٍ يَوْمَ النَّحْرِ أَحَبَّ إِلَى اللَّهِ مِنْ إِهْرَاقِ دَمٍ وَإِنَّهُ لَيَأْتِى يَوْمَ الْقِيَامَةِ فِى فَرْثِهِ بِقُرُونِهَا وَأَشْعَارِهَا وَأَظْلاَفِهَا وَإِنَّ الدَّمَ لَيَقَعُ مِنَ اللَّهِ بِمَكَانٍ قَبْلَ أَنْ يَقَعَ فِى الأَرْضِ فَطِيبُوا بِهَا نَفْسًا

Hartina, “Teu aya amalan anu dipigawé ku manusa dina poé kurban anu leuwih dipikacinta ku Allah salian ti ngocorkeun getih sasatoan kurban. Saéstuna sasatoan kurban éta dina poé kiamat bakal datang bari mawa tandukna, buluna, jeung kukuna. Jeung saéstuna getih kurban éta geus ditarima ku Allah saméméh nepi kana taneuh. Ku kituna, lakukeun kurban kalayan hate anu ikhlas.” (HR at-Tirmidzi).

Salian ti kautamaan ieu, Syekh Abdul Qadir al-Jilani dina salah sahiji kitabna ngajelaskeun yén hiji waktos Nabi Daud kantos naros ka Allah ngeunaan pahala atanapi balasan anu bakal dipikagaduh ku umat Nabi Muhammad anu berkurban. Tuluy Allah ngawaler:

ثَوَابُهُ أَنْ أَعْطِيَهُ بِكُلِّ شَعْرَةٍ عَلىَ جَسَدِهَا عَشْرَ حَسَنَاتٍ وَأَمْحُوْ عَنْهُ عَشْرَ سَيِّئَاتٍ وَأَرْفَعُ لَهُ عَشْرَ دَرَجَاتٍ. أَمَّا عَلِمْتَ يَا دَاوُدَ أَنَّ الضَّحَايَا هِيَ الْمَطَايَا وَأَنَّ الضَّحَايَا تَمْحُوْ الْخَطَايَا

Hartina, “Pahalana nyaéta yén dina unggal bulu sasatoan kurbanna, Kami méré anjeunna sapuluh kahadéan, Kami mupus sapuluh dosana, sareng Kami ngangkat anjeunna sapuluh darajat. Nyahoan ku maneh wahai Daud, yén saéstuna sasatoan kurban téh kendaraan, sareng saéstuna sasatoan kurban téh bisa mupus kasalahan-kasalahan.”

Ma’asyiral Muslimin jamaah Jumaah anu dipaparin rahmat ku Allah

Éta sababaraha kamulyaan sareng pahala anu bakal dipaparinkeun ku Allah ka urang anu berkurban. Ku sabab kitu, hayu dina momentum Idul Adha ayeuna ieu, urang jadikeun ajang pikeun sami-sami berkurban dina raraga nyumponan panggero Allah.

Teras kumaha pikeun urang anu can mampuh berkurban? Aya seueur perkara anu tiasa urang lakukeun sangkan meunang pahala dina bulan Dzulhijjah. Di antarana nyaéta:

Ngamumule dzikir, sapertos maca Takbir, Tahmid, sareng Tasbih henteu kirang ti 100 kali dina sapoé.
Ngamumule amal shaleh, sapertos ngabantosan nyembelih sasatoan kurban, ngabagikeun daging kurban, ngolah daging kurban, sareng sajabina.
Ngalaksanakeun sunnah-sunnah dina bulan Dzulhijjah, sapertos puasa Dzulhijjah ti tanggal 1-7, teras puasa Tarwiyah tanggal 8 sareng puasa Arafah tanggal 9 Dzulhijjah.

Hadirin maasyiral Muslimin Rahimakumullah

Kitu khutbah Jumaah anu tiasa ku simkuring ditepikeun. Mugia urang sadaya dipaparin kamampuhan ku Allah SWT pikeun tiasa berkurban. Sareng mugia urang sadaya dipaparin hidayah pikeun tiasa ngalaksanakeun amal shaleh dina bulan Dzulhijjah. Sahingga urang kalebet jalma-jalma anu dipikacinta ku Allah SWT. Amin ya rabbal alamin.

بَارَكَ اللهُ لِي وَلَكُمْ فيِ القُرْآنِ العَظِيْمِ، وَنَفَعَنيِ وَإِيَّاكُمْ بِمَا فِيْهِ مِنَ اْلآياَتِ وَالذِّكْرِ الحَكِيْمِ وَتَقَبَّلَ مِنيِّ وَمِنْكُمْ تِلاَوَتَهُ َإِنَّهُ هُوَ السَّمِيْعُ العَلِيْمُ.

KHUTBAH KEDUA

اَلْحَمْدُ لله الَّذِيْ أَرْسَلَ رَسُوْلَهُ بِالْهُدَى وَدِيْنِ الْحَقِّ، لِيُظْهِرَهُ عَلَى الدِّيْنِ كُلِّهِ وَكَفَى بِاللهِ شَهِيْدًا، أَشْهَدُ أَنْ لاَ إِلَهَ إِلاَّ اللهُ, وَأَشْهَدُ أَنَّ مُحَمَّدًا رَسُوْلُ اللهِ, اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ اَجْمَعِيْنَ

أَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ الْمُسَبِّحَةِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ.

اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ.

رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَاإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ

عِبَادَاللهِ! إِنَّ اللهَ يَأْمُرُبِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ