KHUTBAH PERTAMA
اَلْحَمْدُ للهِ، وَالصَّلَاةُ وَالسَّلَامُ عَلَى سَيِّدِنَا مُحَمَّدٍ رَسُوْلِ اللهِ، وَعَلَى آلِهِ وَصَحْبِهِ وَمَنْ وَالَاهُ
وَأَشْهَدُ أَنْ لَّا إِلهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ، لَا نَبِيَّ بَعْدَهُ
أَمَّا بَعْدُ، فَإِنِّي أُوْصِيْكُمْ وَنَفْسِيْ بِتَقْوَى اللهِ الْقَائِلِ في مُحْكَمِ كِتَابِهِ: إِلَّا تَنْصُرُوهُ فَقَدْ نَصَرَهُ اللَّهُ إِذْ أَخْرَجَهُ الَّذِينَ كَفَرُوا ثَانِيَ اثْنَيْنِ، إِذْ هُمَا فِي الْغَارِ إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا، فَأَنْزَلَ اللَّهُ سَكِينَتَهُ عَلَيْهِ وَأَيَّدَهُ بِجُنُودٍ لَمْ تَرَوْهَا وَجَعَلَ كَلِمَةَ الَّذِينَ كَفَرُوا السُّفْلَى وَكَلِمَةُ اللَّهِ هِيَ الْعُلْيَا، وَاللَّهُ عَزِيزٌ حَكِيمٌ (سورة التوبة: 40)
Ma’asyiral Muslimin Rahimakumullah
Saking ing nginggil mimbar menika, khatib paring wasiyat dhateng kita sedaya, mliginipun dhateng pribadi khatib piyambak, supados tansah ngupadi ningkataken takwa dhateng Allah Subhanahu Wa Ta‘ala.
Kanthi cara nglampahi sedaya kewajiban kanthi manteping manah saha teguhing jiwa, lan nebihi sedaya perkawis ingkang dipunharamaken kanthi kebak kasabaran saha katabahan.
Jamaah Jum’at Rahimakumullah
Satemenipun masa kapengker menika minangka lembaran-lembaran sejarah ingkang nyimpen kathah piwulang saha hikmah.
Hijrah wonten ing cathetan sejarah masa kapengker, ngandhut pepadhang ingkang madhangi margi tumrap tiyang ingkang ngudi saha ngugemi kayekten ing masa-masa salajengipun.
Lembaran sejarah umat Islam jaman rumiyin sampun nyathet masa-masa kamulyan saha kajayaan ingkang kasil dipunraih dening kaum muslimin. Ananging mekaten, kathah ugi prastawa ingkang nglarani manah ingkang dados warna-warni lampahing gesangipun.
Mekaten ugi pengorbanan, kegigihan anggenipun njagi agama Allah, peperangan nglawan mungsuh-mungsuhipun Allah lan sanes-sanesipun, ugi dados hiasan wonten ing perjuanganipun.
Saking kathahipun prastawa sajarah ingkang paling gadhah pangaribawa tumrap perkembangan dakwah Islamiyah inggih menika hijrahipun Rasulullah Shallallahu ‘Alaihi Wasallam saking Makkah dhateng Madinah Munawwarah.
Kita minangka kaum muslimin ingkang gesang wonten ing jaman kemunduran umat Islam sapunika, prayoginipun ndadosaken prastawa hijrah menika minangka momentum kangge tangi saking keterpurukan wonten ing maneka warna babagan.
Prastawa hijrah prayoginipun dados panyemangat tumrap kita kangge nggayuh malih kajayaan saha kamulyan ingkang salebeting pirang-pirang abad pungkasan sampun dipunrebat dening bangsa-bangsa sanes.
Jamaah ingkang Bingah
Mulai dipunwiwiti dakwah Islam, Rasulullah Shallallahu ‘Alaihi Wasallam sesarengan kaliyan kulawarga saha para sahabatipun asring ngadhepi maneka warni alangan saha ancaman saking tiyang-tiyang kafir wonten ing Makkah.
Ananging piyambakipun sedaya tetep tabah saha teguh nyebaraken dakwah kanthi kebak kasabaran. Ngantos pungkasane Allah Ta‘ala maringi pitulungan saha kemudahan, inggih menika kanthi dhawuh hijrah saking Makkah dhateng Madinah.
Prastawa hijrah menika minangka pungkasaning masa ingkang kebak alangan saha kasangsaran sarta dados wiwitaning masa kamulyan saha kajayaan tumrap dakwah Islam.
Saking titik menika, cahyaning kayekten Islam saya sumunar padhang, madhangi pepeteng lan nglangkungi maneka warna alangan.
Wonten ing masa sasampunipun hijrah, kanthi dipunpimpin langsung dening Rasulullah Shallallahu ‘Alaihi Wasallam, umat Islam berjuang ngadegaken kaadilan, mbasmi kekufuran saha ngilangi kezaliman.
Salajengipun Allah SWT maringi kemudahan, saengga Makkah saged dipuntaklukaken lan umat manungsa sami mlebet Islam kanthi berbondong-bondong.
Dakwah ingkang wiwitanipun ngadhepi kathah alangan, kanthi optimisme, keteguhan, ketegaran, katabahan saha kasabaran, pungkasane saged manggihaken padhanging kasil.
Menika dados tuladha tumrap kita bilih saben kasangsaran mesthi wonten kemudahan, angger kita tansah usaha, tetep optimis saha tansah njagi pangajeng-ajeng.
Hadirin ingkang Dipunmulyaaken Allah SWT
Nalika Muhammad dipunangkat dados utusanipun Allah, wonten ing wiwitan dakwah dipundhawuhi ngaturaken risalah tanpa peperangan. Piyambakipun berdakwah kanthi terang-terangan, sasampunipun rumiyin dipundhawuhi berdakwah kanthi sembunyi-sembunyi. Ing satunggaling wekdal, piyambakipun mlampah wonten ing satengahing sawetawis tiyang musyrik Arab ingkang sami nglumpuk wonten ing satunggaling papan seraya ngendika:
أَيُّهَا النَّاسُ قُوْلُوْا لَا إلهَ إَلَّا اللهُ تُفْلِحُوْا
Artinya: He para manungsa, ucapna yen ora ana sesembahan kang pantes disembah kejaba Allah, mesthi kowe bakal beja.
Piyambakipun nyeru dhateng sikap adil, nindakaken kabecikan lan akhlak-akhlak mulya sanesipun, sarta nyegah saking tumindak keji saha munkar. Dakwahipun dipuntampi dening sawetawis tiyang ingkang lajeng mlebet Islam, kados sahabat Abu Bakar, Umar, Utsman, Ali, Bilal lan sanes-sanesipun.
Ananging kathahing masyarakat nalika semanten taksih tetep wonten ing kekufuran. Tiyang-tiyang kafir ingkang nampik dakwah Rasulullah SAW menika kanthi wuta sami nglarani, nyiksa, ngolok-olok lan ngina Rasulullah saha para sahabatipun.
Nalika panyiksaan demi panyiksaan ingkang dipuntindakaken dening tiyang-tiyang kafir saya awrat, sawetawis sahabat mutusaken kangge hijrah dhateng Habasyah kanthi dhawuh Rasulullah SAW. Cacahipun kirang langkung wolung dasa tiyang, ing antawisipun Utsman bin Affan saha Ja’far bin Abi Thalib.
Jamaah Jum’at Rahimakumullah
Wonten ing satunggaling kesempatan, Rasulullah SAW pinanggih kaliyan sawetawis tiyang saking suku Khazraj saking kutha Yatsrib ingkang saweg sowan dhateng Ka’bah. Rasulullah SAW migunakaken kesempatan menika kangge ndakwahi Islam dhateng piyambakipun sedaya lan piyambakipun lajeng nyatakaken mlebet Islam.
Malah ing taun salajengipun cacahing tiyang saking suku Khazraj ingkang mlebet Islam saya kathah. Pungkasane Rasulullah ngutus kalih sahabatipun, Abdullah bin Ummi Maktum lan Mush’ab bin ‘Umair radliyallahu ‘anhuma, tindak sesarengan kaliyan piyambakipun dhateng kutha Yatsrib, kangge mulangaken Al-Qur’an dhateng piyambakipun lan ndakwahi Islam dhateng sawetawis tiyang saking suku Khazraj ingkang dereng mlebet Islam.
Nalika cacahing kaum muslimin ingkang sampun siyap ngadegaken agama Allah wonten ing Yatsrib saya kathah, Allah maringi dhawuh dhateng umat Islam wonten ing Makkah kangge hijrah dhateng kutha Yatsrib utawi ingkang salajengipun misuwur kanthi asma kutha Madinah.
Para sahabat Nabi lajeng sami berbondong-bondong nglampahi dhawuh-Nipun. Salajengipun Nabi ugi hijrah saking Makkah, tanah kelairanipun saha kutha ingkang paling dipuntresnani, dhateng Madinah.
Piyambakipun kanthi dipunsarengi sahabat Abu Bakr Radliyallahu ‘Anhu nelukaken maneka warni alangan saha rerintangan wonten ing lampah hijrah dhateng Kutha Yatsrib.
Ma’asyiral Muslimin Rahimakumullah
Hijrah ingkang dipuntindakaken Rasulullah saha para sahabatipun boten ateges mlayu saking tiyang-tiyang musyrik. Ugi boten minangka wujud putus asa saking kahanan ingkang dumados.
Hijrahipun ugi boten gadhah ancas kangge ngudi ketenaran, drajat saha kakuwasan wonten ing Kutha Madinah. Babar pisan boten menika ancasipun. Nanging ingkang dipunajeng-ajeng namung ridhanipun Allah piyambak.
Menika minangka pucaking keteladanan tumrap kita sedaya, mliginipun para da’i ingkang badhe ngabdèkaken gesangipun kangge berdakwah.
Jamaah Jum’at ingkang Mulya
Prastawa hijrah Rasulullah saha para sahabatipun minangka pitedah tumrap kita bilih kemusyrikan, kekufuran, kezaliman saha kebatilan, sanadyan sepinten kiyat saha agengipun, mesthi pungkasane badhe kecemplung wonten ing jurang karusakan.
Kosok balinipun, kayekten mesthi ing satunggaling wekdal badhe manggih margi kasuksesan lan mesthi kasil ngibaraken panji-panji kamenangan.
Amargi Allah Ta‘ala sampun njanjekaken kamenangan ingkang gemilang dhateng kaum mukminin lan sampun ndadosaken bilih wonten ing wingkinging kasukaran mesthi wonten margi metu, lan wonten ing wingkinging saben kasangsaran mesthi wonten kemudahan. Allah Ta‘ala ngandika:
إِنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ (سورة غافر: 51)
Artinya: Satemene Ingsun mesthi nulungi para rasul Ingsun lan wong-wong kang iman ing urip donya lan ing dina nalika para seksi padha ngadeg. (Surat Ghafir: 51)
Jamaah ingkang Dipunmulyaaken Allah SWT Pungkasanipun, kita sami ndedonga mugi ing taun enggal menika kita dados langkung sae tinimbang taun-taun sadèrèngipun. Sugeng warsa enggal Islam 144……. Hijriyah.
كُلُّ عَامٍ وَأَنْتُمْ بِخَيْرٍ
أَقُوْلُ قَوْلِيْ هٰذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ
KHUTBAH KEDUA
اَلْحَمْدُ للهِ وَكَفَى، وَأُصَلِّيْ وَأُسَلِّمُ عَلَى سَيِّدِنَا مُحَمَّدٍ الْمُصْطَفَى، وَعَلَى آلِهِ وَأَصْحَابِهِ أَهْلِ الْوَفَا
أَمَّا بَعْدُ، فَيَا أَيُّهَا الْمُسْلِمُوْنَ، أُوْصِيْكُمْ وَنَفْسِيْ بِتَقْوَى اللهِ الْعَلِيِّ الْعَظِيْمِ وَاعْلَمُوْا أَنَّ اللهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلَى نَبِيِّهِ الْكَرِيْمِ فَقَالَ: إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا
اَللّٰهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ، فِيْ الْعَالَمِيْنَ إِنَّكَ حَمِيْدٌ مَجِيْدٌ
اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ والْمُؤْمِنِيْنَ وَالْمُؤْمِنَاتِ الْأَحْيَاءِ مِنْهُمْ وَالْأَمْوَاتِ، اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَّةً وَمِنْ بُلْدَانِ الْمُسْلِمِيْنَ عَامَّةً، إِنَّكَ عَلَى كُلِّ شَيْءٍ قَدِيْرٌ
عِبَادَ اللهِ، إنَّ اللهَ يَأْمُرُ بِالْعَدْلِ وَالْإحْسَانِ وَإِيْتَاءِ ذِي الْقُرْبَى ويَنْهَى عَنِ الفَحْشَاءِ وَالْمُنْكَرِ وَالبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذكُرُوا اللهَ الْعَظِيْمَ يَذْكُرْكُمْ وَلَذِكْرُ اللهِ أَكْبَرُ
Silahkan bergabung dengan kami di Grup Telegram, Wa, atau Facebook untuk mendapatkan materi terbaru dari KHUTBAHSINGKAT.com Sentuh 👉 GABUNG GRUP Kami menghimbau kepada pembaca untuk tetap mencantumkan penulis dan sumber sebagai bentuk amanah ilmiah dan penghargaan atas karya dakwah.
