Pramilo, sesuai kaliyan protes ingkang disampeaken, Allah merintahaken malaikat kangge nyeret tiyang saleh niki teng neraka. Wekdal nikulah tiyang saleh niki sadar bilih nggantungaken marang amal mboten saget nyelametaken piyambake. Cepet-cepet tiyang saleh niki nyuwun ngapuro lan ngakoni sedoyo kesalahan ugi kesombonganipun. Piyambakipun terlalu ngandalaken amal ibadahipun lan ngeremehaken rahmat Allah.
Untungipun Allah maringi pangapuro lan tanglet malih dateng tiyang saleh meniko: Opo awakmu mlebu suwarga iki kerono amalmu? Tiyang niki jawab: Mboten ya Allah, saktemene sedoyo niki namung keranten rahmat panjenengan.
Cerito lintune, wonten teng kitab Nashaihul Ibad karya Syaikh Nawawi al-Bantani nyeritaaken bilih Imam al-Ghazali meniko setunggal wekdal katon ing jerone mimpi sahabate, terus ditangletaken: Nopo ingkang Allah paringaken dateng panjenengan? Imam al-Ghazali jawab: Naliko ngadep, Allah SWT dawuh: Kena opo awakmu nang kene, lan opo sing awakmu gowo? Imam al-Ghazali nyebutaken amal-amalipun. Tapi Allah menjawab: Saktemene Aku gak nerimo kabeh amal ibadahmu, ananging siji amal. Yo iku siji waktu awakmu ngejarake laler menclok nang dukur pulpenmu lan ngombe mangsi pulpen iku. Waktu iku awakmu ngejarake laler kuwi mergo ngesakne marang laler iku. Sakteruse Allah dawuh: Hei malaikat, gawanen Imam Ghazali iki nang suargo.
Nopo ingkang saget kito pendet saking cerito niki? Ampun pisan-pisan menilai rendah amal ibadah. Sinaoso namung nyingkiraken krikil saking tengah dalan, keranten niku saget dados amal ingkang dirahmati Allah. Kito mboten angsal ngeremehaken amal sinaoso dianggep cilik, sinten ingkang semerap amal cilik menikolah ingkang nyebabi kito teng akhirat mangke selamet?
Kados dene kisah Sayyidina Umar diapuro dusone keranten amal cilik nggih meniko welas lan nyelametaken manuk emprit ingkang ditumbas saking lare alit ingkang nyikso manuk meniko. Cerita niki ingkang saklajengipun diabadikan teng kitab Usfuriyah. Kosok wangsulipun, kita mboten angsal menyombongkan amal ibadah ingkang numpuk katah sinahoso sedoyone sae. Keranten dereng tentu amal niku angsal rahmate Allah.
BACA HALAMAN BERIKUTNYA..
