Duso batin saged dadosaken rogo rusak. Misal, nalika manahipun Qobil anggadahi sifat dengki (hasud) saged dadosaken rogone pejah, ngantos Habil dados korban. Semanten ugi sifat kekufuranipun tiyang-tiyang Yahudi, nalika jaman Kanjeng Nabi Muhammad ninda’aken dakwah Islam. Tiyang Yahudi ngganggu lan ngalangi syiar Islam sebab ing manahipun wonten raos hasud (dengki). Kados dawuhipun gusti Allah swt wonten surat Al-Baqarah 109 meniko:
وَدَّ كَثِيْرٌ مِّنْ اَهْلِ الْكِتٰبِ لَوْ يَرُدُّوْنَكُمْ مِّنْ بَعْدِ اِيْمَانِكُمْ كُفَّارًاۚ حَسَدًا مِّنْ عِنْدِ اَنْفُسِهِمْ مِّنْ بَعْدِ مَا تَبَيَّنَ لَهُمُ الْحَقُّ
Artosipun: Akeh ahli kitab remen supaya deweke isok mbalekaken siro kabeh marang kekafiran sak wuse deweke pada iman, iku sebab ono rasa dengki kang metu soko deweke dewe, sakwise wes pertelo perkoro kang bener.
Kedadosan saat niku sami kaliyan periswa Fir’aun ingkang nolak risalah saking Nabi Musa, amargi Fir’aun kagungan sifat sombong ingkang saged ngeregeti manahipun.
Jamaah Jumat Rahimakumullah
Kaprahe duso dzohir menika gampil nyadaraken dateng tiyang ingkang nglampahi duso. Katah tiyang ingkang sampun nglampahi duso dzohir saget sadar menawi meniko pendamelan lepat, lajeng akhiripun taubat mboten ninda’aken tumindak lepat malih. Umpaminipun tiyang ingkang remen nyolong (maling) akhiripun tobat lan mboten dados maling malih.
Saking contoh meniko, harapan utawi pangajeng-ajeng supados sadar saking penggawe awon lan tobat meniko estu wonten buktine. Ananging menawi duso batin harapan kangge sadar lan tobat meniko alit sanget, kranten piyambakipun ngelampahi lepat, tapi rumongsone mboten lepat, mboten salah. Kados dene penggawe rasan-rasan, meniko jelas dipun cegah lan duso ananging tiyang ingkang ngerasani meniko rumongso mboten duso, akhiripun wonten wekdal sanes mbaleni malih anggenipun rasan-rasan.
Jamaah Jumat Rahimakumullah
BACA HALAMAN BERIKUTNYA..
