Ananging jalaran Isma’il mila putra ingkang shalih, tansah mbangun miturut dateng tiyang sepuh. Kekalihipun enggal bade nuhoni perintahipun Allah, kados dawuhipun Al-Qur’an:
فَلَمَّآ أَسْلَمَا وَتَلَّهُۥ لِلْجَبِينِ ، وَنَٰدَيْنَٰهُ أَن يَٰٓإِبْرَٰهِيمُ ، قَدْ صَدَّقْتَ ٱلرُّءْيَآ ۚ إِنَّا كَذَٰلِكَ نَجْزِى ٱلْمُحْسِنِينَ ،
“Mula nalika kekarone wis pasrah sumarah lan sedya nindakake dawuh perintahe Allah, pilingane Ismail wis katempelaken ing bumi, pedang ligan kapetelaken ing jangga, Nuli Ingsun ngundang ing deweke, He Ibrahim! Sejatine sira wis ambenerake impen mau, sejatine kaya mengkono Ingsun paring piwales marang wong kang pada agawe becik” (Ash Shaaffat: 103-105)
Nalika Jibril sumerep prastawa menika, sak kala njungkel kanti mbengok maos takbir:
اَللهُ أَكْبَرْ اَللهُ أَكْبَرْ اَللهُ أَكْبَرْ
Ngegungaken dateng Allah, jalaran sanget nggumun (terkejut) dateng ketaatanipun Nabi Ibrahim.
Sak kala Nabi Ibrahim lajeng nyautiَ maos kalimah:
لآ اِلَهَ اِلاَّ اللهُ وَاللهُ أَكْبَرْ
Mekaten ugi Nabi Ismail, lajeng nyambet ngegungaken dateng Asma dalem Allah, saha muji mengalembana kanti maos takbir lan tahmid:
اَللهُ أَكْبَرْ وَللهِ الْحَمْدُ
Pramila tumrap kita lajeng dipun syari’ataken maos takbir, tahlil lan tahmid punika, ngantos dumugi telasipun dinten tasyriq, mekaten miturut riwayatipun Shahabat Ibnu Abas.
Para sederek kaum muslimin ingkang minulya
BACA HALAMAN BERIKUTNYA..
