Sampun kita mangertosi, bilih tujuan kita dipun ciptaake Allah ta’ala menika kangge ngabdi utawi ngibadah dhumateng Allah. Lajeng caranipun ngabdi dhateng Allah menika saget dipun wujudake kelawan nindaake kesaenan ingkang cara utawi dalanipun kathah sanget.
Salah setunggale nindaake kesaenan ingkang kalebet ibadah, saget kita lampahi kanthi sedekah. Sedekah menika sejatosipun perkawis ingkang dados kebutuhan penting kangge saben-saben menungsa. Kados dene dhawuhe Kanjeng Nabi Muhammad saw:
عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صلى الله عليه وسلم: كُلُّ سُلاَمَى مِنَ النَّاسِ عَلَيْهِ صَدَقَةٌ كُلُّ يَومٍ تَطْلُعُ فِيْهِ الشَّمْسُ
Artosipun: “Saking Abu Hurairah radhiyallahu anhu ngendika: Kanjeng Rasulullah shallallaahu alaihi wa sallam dhawuh: Saben saben rosrosan balungé menungsa iku wajib disedekahi ing saben dinané kang srengenge metu ing wayahe,” (HR Bukhari Muslim)
Sedekah menika, kajaba dados wujud syukur dhateng Allah ta’ala ingkang sampun maringi kita kenikmatan arupi anggota badan, ugi dados ikhtiar kita supados Gusti Allah paring berkah saha kesaenan marang sedaya anggota badan kita.
Jamaah shalat Jumat rahimakumullah,
Bilih caranipun sedekah menika ugi macem-macem. Mboten kedah arupi nyaosi arta utawi barang marang wong liya. Saking hadist wau, lajeng Kanjeng Nabi ngendikan, bilih kathah cara utawi dalan kanggo sedekah:
BACA HALAMAN BERIKUTNYA..
