KHUTBAH I
إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَسَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ. أَشْهَدُ أَنْ لَاۧ إِلٰهَ إِلَّا اللهُ وَحْدَهُ لاَ شَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ
اَللّٰهُمَّ صَلِّ وَسَلِّمْ عَلٰى مَحَمَّدِ نِالْمُجْتَبٰى، وَعَلٰى آلِهِ وَصَحْبِهِ أَهْلِ التُّقٰى وَالْوَفٰى. أَمَّا بَعْدُ فَيَاأَيُّهَا الْمُسْلِمُوْنَ! أُوْصِيْكُمْ وَنَفْسِيْ بِتَقْوَى اللهِ وَطَاعَتِهِ فَقَدْ فَازَ مَنِ اتَّقَى
فَقَالَ اللهُ تَعَالٰى فِيْ كِتَابِهِ الْكَرِيْمِ: أَعُوذُ بِاللَّهِ مِنَ الشَّيْطَانِ الرَّجِيمِ, بِسْمِ اللَّهِ الرَّحْمَنِ الرَّحِيْم, يَٰٓأَيُّهَا ٱلَّذِينَ ءَامَنُوا۟ ٱتَّقُوا۟ ٱللَّهَ حَقَّ تُقَاتِهِۦ وَلَا تَمُوتُنَّ إِلَّا وَأَنتُم مُّسْلِمُونَ. وَقَالَ تَعَالَى أَيْضًا, وَسَارِعُوٓا۟ إِلَىٰ مَغْفِرَةٍ مِّن رَّبِّكُمْ وَجَنَّةٍ عَرْضُهَا ٱلسَّمَٰوَٰتُ وَٱلْأَرْضُ أُعِدَّتْ لِلْمُتَّقِينَ
Amma ba’du;
Jama’ah Jum’at ingkang kinulungan Allah,
Ing wekdal ingkang kebak berkah menika, sumangga kita tansah ngiyataken taqwa dhateng Allah Ta’ala kanthi taqwa ingkang sajatosipun. Kanthi nindakaken sedaya dhawuh-Nipun lan nebihi sedaya ingkang dados larangan-Nipun.
Keranten perlu dipun mangertosi bilih namung kanthi taqwa, kita saged slamet ing donya lan akhirat.
Kados pundi Allah SWT ngendika wonten ing Al-Qur’an:
يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُوونَ
“Hei wong-wong kang padha iman! Padha wediho marang Allah kanthi wedi kang tenan, lan aja nganti siro mati kajaba ing kahanan dadi wong Islam.” (QS. Ali Imran: 102)
Jama’ah Jum’at ingkang dipun rahmati Allah,
Wonten ing khutbah menika, khatib badhe ngemutaken bab fenomena sound horeg ingkang kathah sanget wonten ing masyarakat kita. Sound horeg punika biasanipun pengeras swara kanthi volume ingkang sanget ageng, dentuman bass ingkang kuat, asring dipun-ginakaken kanggé hajatan, karnaval utawi acara sanèsipun.
Akhir-akhir menika sound horeg dados polemik wonten ing satengahing masyarakat. Wonten ingkang sarujuk saha ndhukung sound horeg kanthi alesan kanggé hiburan. Nanging ugi wonten ingkang boten sarujuk amargi mudlarat ingkang dipunasilaken langkung ageng tinimbang manfaatipun.
Gegayutan kaliyan fenomena menika ugi sampun wonten majelis ingkang nglajengaken bahtsul masail saha maringi putusan bilih sound horeg punika hukume haram. Putusan menika lajeng dipuntentang dening pihak-pihak ingkang sarujuk kaliyan sound horeg, utaminipun para pengusaha sound.
Hadirin Jamaah Rahimakumullah,
Kahanan menika saestu dados dilema. Majelis ingkang netepaken halal utawi haram mesthi sampun nindakaken kajian saha pertimbangan saking manéka sudut pandang hukum. Boten semata-mata mutusaken halal utawi haram.
Nanging wonten ing sisih sanesipun, sound horeg ugi dipunsenengi déning sebagian masyarakat minangka hiburan modern ingkang sadèrèngipun taksih boten wonten. Malah, sebagian lingkungan RT RW iuran, sampun pesen sound horeg kanggé acara karnaval. Menawi dipunharamaken, para pengusaha sound horeg saged bangkrut, amargi modalipun ngantos atusan utawi malah miliaran rupiah.
Manawi sampun mekaten, ten mrikilah peranipun para alim ulama’ supados saged mendet jalan tengah, utawi ngowahi perkawis awon dados kabecikan tanpa nglarani pihak tartamtu. Mungkin kahanan menika ugi ingkang naté kaalami déning para Wali Songo, ingkang saged nyawiji ajaran Islam kaliyan budaya lokal, kalebet seni, tradisi, saha adat istiadat ingkang sampun wonten.
Hadirin Jamaah Rahimakumullah,
Salajengipun, kepripun pandangan Islam terkait sound horeg menika?
Islam menika saestu mboten ngalang-alangi ngginakaken teknologi pengeras swara. Nanging Islam maringi tuntunan supados swara punika boten ngluwihi wates, boten ngganggu warga sakiteripun, saha boten dados dalan dhateng maksiat.
Allah Ta’ala ngendika wonten ing Al-Qur’an:
وَاقْصِدْ فِي مَشْيِكَ وَاغْضُضْ مِنْ صَوْتِكَ إِنَّ أَنْكَرَ الْأَصْوَاتِ لَصَوْتُ الْحَمِيرِ
“Lan padha alonono lakumu, lan alusna swaramu. Satemené swara kang paling elek iku swarané keledai.” (QS. Luqman: 19)
Para rawuh Jama’ah Jum’at ingkang kinulungan Allah,
Ayat punika dados pepeling supados kita boten nglewati wates wonten ing swara, ingkang kalebet nalika ngendika utawi muter musik ingkang kenceng sanget.
Rasulullah SAW ugi ngendika:
اتَّقُوا الْمُسْلِمِينَ فِي طُرُقِهِمْ وَلاَ تَغْضَبُوا عَلَيْهِمْ وَلاَ تُؤْذُوهُمْ
“Padha ngati-atia siro aja nganti ngganggu wong Islam ing dalan-dalané, aja padha nesu marang wong-wong mau lan aja padha nglarani wong-wong mau.” (HR. Thabrani)
Mboten prayogi sound horeg kita nganti ndadèkaké kuping tangga-tangga loro, malah nganti kaca griyanipun pecah. Menika kalebet dhalim, amargi nglarani sesami Muslim.
Jama’ah Jum’at ingkang dipun mulyaaken Allah,
Sound horeg punika saktemene dipun parengaken, nanging kanthi syarat:
Kaping pisan, boten kanggé ngundang kemaksiatan, kados wanita ingkang joget mbikak aurat, campur baur, mabuk-mabukan, lan sanèsipun. Kahanan kados mekaten asring dados “paket” kaliyan sound horeg utaminipun wonten karnaval.
Kaping kalih, boten muter musik utawi lagu ingkang ngundang dhateng syahwat lan zina. Sejatosipun boten namung sound horeg, nanging sound system biasa ugi menawi isiné nyeret dhateng syahwat, mesthi boten dipun parengaken wonten ajaran Islam.
Kaping tiga, boten ngilangaken sholat. Aja nganti sibuk joget, sibuk ningali kemeriahan ngantos sholat dipun-tinggal.
Allah SWT ngendika bab wong-wong ingkang lalai saking sholat:
فَوَيْلٌ لِلْمُصَلِّينَ الَّذِينَ هُمْ عَنْ صَلَاتِهِمْ سَاهُونَ
“Mulane cilaka wong-wong kang sholat, yaiku wong-wong kang lali marang sholaté.” (QS. Al-Ma’un: 4-5)
Jama’ah Jum’at ingkang dipun mulyaaken Allah,
Mila kesimpulanipun, sound horeg menika dipun parengaken wonten Islam, salami:
- Boten kanggé maksiat (aurat kebuka, joget erotis, mabuk).
- Boten ngganggu lingkungan (boten kenceng sanget ngantos nglarani kuping, malah ngrusak griya tangga amargi geter).
- Boten ninggal sholat, malah kedah dipun atur supados nalika adzan mandheg, lan jama’ah saged sholat berjamaah kanthi khusyuk.
Rasulullah SAW ngendika:
لَا ضَرَرَ وَلَا ضِرَارَ
“Ora oleh nindakake kang gawe madlorot lan ora kena gawe madlorot marang liyan.” (HR. Ibnu Majah)
Mila kados makaten, sumangga kita sami nyikapi sound horeg punika kanthi wicaksana selaras kaliyan syariat, aja nganti acara kita malah dados sebab dosa.
Mugi-mugi Allah Ta’ala paringaken kita dados tiyang ingkang saged migunakaken nikmat teknologi kanggé kabecikan, dudu kanggé maksiat. Lan mugi kita sedaya tansah wonten ing pangayoman rahmat saha pangapunten-Nipun.
باَرَكَ اللهُ لِيْ وَلكمْ فِي القُرْآنِ العَظِيْمِ، وَنَفَعَنِيْ وَإِيّاكُمْ بِالآياتِ وذِكْرِ الحَكِيْمِ. إنّهُ تَعاَلَى جَوّادٌ كَرِيْمٌ مَلِكٌ بَرٌّ رَؤُوْفٌ رَحِيْمٌ
KHUTBAH II
اَلْحَمْدُ للهِ وَكَفَى، وَأُصَلِّيْ وَأُسَلِّمُ عَلَى مُحَمَّدٍ الْمُصْطَفَى، وَعَلَى آلِهِ وَأَصْحَابِهِ أَهْلِ الْوَفَا. أَشْهَدُ أَنْ لَّا إِلهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ أَمَّا بَعْدُ
فَيَا أَيُّهَا الْمُسْلِمُوْنَ، أُوْصِيْكُمْ وَنَفْسِيْ بِتَقْوَى اللهِ الْعَلِيِّ الْعَظِيْمِ وَاعْلَمُوْا أَنَّ اللهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلَى نَبِيِّهِ الْكَرِيْمِ فَقَالَ: إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا،
اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ
اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ والْمُؤْمِنِييْنَ وَالْمُؤْمِنَاتِ الْأَحْيَاءِ مِنْهُمْ وَالْأَمْوَاتِ. اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَّةً وَمِنْ بُلْدَانِ الْمُسْلِمِيْنَ عَامَّةً، إِنَّكَ عَلَى كُلِّ شَيْءٍ قَدِيْرٌ
رَبّنَا لاَتُؤَاخِذْ نَا إِنْ نَسِيْنَا أَوْ أَخْطَأْنَا رَبّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الّذِيْنَ مِنْ قَبْلِنَا رَبّنَا وَلاَ تًحَمّلْنَا مَالاَ طَاقَةَ لَنَا بِهِ وَاعْفُ عَنّا وَاغْفِرْ لَنَا وَارْحَمْنَا أَنْتَ مَوْلاَنَا فَانْصُرْنَا عَلَى الْقَوْمِ الْكَافِرِيْنَ
رَبَنَا ءَاتِنَا فِي الدّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النّارِ. وَالْحَمْدُ للهِ رَبِّ العَالَمِيْنَ
عِبَادَ اللهِ، إنَّ اللهَ يَأْمُرُ بِالْعَدْلِ وَالْإحْسَانِ وَإِيْتَاءِ ذِي الْقُرْبَى ويَنْهَى عَنِ الفَحْشَاءِ وَالْمُنْكَرِ وَالبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذكُرُوا اللهَ الْعَظِيْمَ يَذْكُرْكُمْ وَلَذِكْرُ اللهِ أَكْبَرُ
Silahkan bergabung dengan kami di Grup Telegram, Wa, atau Facebook untuk mendapatkan materi terbaru dari KHUTBAHSINGKAT.com Klik GABUNG SEKARANG
