Dawuhipun Allah punika mucalaken supados kita mpun ngantos menyebut-nyebut kesaenan kita. Bilih kita menyebut-nyebut utawi ngemut-emut lampahan sae ingkang nate kita lampahaken, mila saged dados lambat laun pahala ingkang kita angsal saged saya kirang malah telas mboten wonten sisanipun.
Hadirin jamaah jum’ah rahimakumullah, tanda-tanda tiyang begja ingkang kaping tiga inggih punika
3. وَنـظَرُهُ إِلَى مَنْ فَوْقَهُ فِى الدِّيْنِ lebeting bab urusan agami, tiyang ingkang begja inggih punika tiyang ingkang tansah ningali tiyang sanes ingkang langkung saking piyambakipun.
Pesen punika paring motivasi ing kita sami kangge langkung giat lebeting ngibadah, langkung giat lebeting beramal sholeh.
Sumerep tiyang ingkang giyat shalat, kita nggih usaha supados giyat shalat. Sumerep tiyang ingkang bersedekah lan nglampahaken kesaenan sanesipun, kita nggih kepingin nglampahaken bab ingkang sami.
Hadirin jamaah jum’ah rahimakumullah, ingkang terakhir tanda-tanda tiyang begja inggih punika
4. وَنـظَرُهُ إِلَى مَنْ دُوْنَهُ فِى الدُّنْيَا sewangsulipun saking no. 3 ing inggil, menawi tiyang ingkang begja inggih punika tansah ngarahaken peningalipun dhateng tiyang ingkang langkung andhap saking piyambakipun lebeting bab urusan donya.
Pesen punika mucalaken dhateng kita sami kangge gesang bersyukur lan sabar. ing wekdal sakit, kita bersyukur taksih dipunparingi umur, bayangaken wonten tiyang sanes ingkang mboten sakit nanging langsung pejah.
Nalika ditimpa masalah, kita bersyukur taksih kiat ngadepi masalah, sawentawis wonten tiyang sanes ingkang mboten saged ngadepi masalah lajeng stress, struk lan pejah. Nalika kita kekirangan banda, kita bersyukur amargi kita taksih saged beraktifitas.
Bahkan nalika kita mboten gadhah punapa-punapa, kita nggih bersyukur amargi wonten tiyang ingkang gadhah banda, gadhah sedayanipun nanging mboten saged nglampahaken punapa-punapa. Hadirin, punika lah warni-warni gesang ingkang kedah kita ajengi.
Hadirin jamaah jum’ah rahimakumullah,
BACA HALAMAN BERIKUTNYA..
