Hadirin Rahimakumullah..
Poso sunnah Rajab sami kados poso wulan Ramadhan lan poso sunnah lintunipun. Inggih meniko niat lan nahan nafsu dahar, nginum lan sedoyo perkawis ingkang saget batalaken poso mulai muncul fajar ngantos lingsire sernge-nge.
Lajeng pinten jumlahipun poso sunnah Rajab? Jumlah poso sunnah Rajab mboten enten ketentuan ipun. Ugi mboten enten ketentuan wekdalipun, nopo kedah ten awal, tengah, utawi ten akhir wulan Rajab. Lan dintenipun menopo kedah dinten Senin, Kamis, utawi dinten lintunipun.
Poso sunnah Rajab angsal dipun lampahi telung dinten, gangsal dinten, wolung dinten, gangsal welas dinten bahkan ngantos setunggal wulan ugi mboten wonten larangan. Menawi saget ngelampahi poso setunggal wulan muput, hukumipun tetep sunnah.
Mboten wonten jumlah, wekdal, lan dinten wajib kagem poso Rajab keranten hukumipun sunnah. Ananging, wonten pahala khusus kagem tiang-tiang ingkang ngelaksanaaken poso Rajab kelawan jumlah tertentu.
Hadirin Rahimakumullah..
Rajab termasuk wulan haram ingkang istimewa sanget. Tiang ingkang purun ngelampahi poso wonten ing wulan Rajab bakal angsal pinten-pinten keutamaan lan kemuliaan. Inggih meniko:
1. Bakal Diparingi Ngombe Saking Sungai Rajab
إِنَّ فِي الْجَنَّةِ نَهْرًا يُقَالُ لَهُ رَجَبَ مَاؤُهُ أَبْيَضُ مِنَ اللَّبَنِ وَأَحْلَى مِنَ الْعَسَلِ. مَنْ صَامَ يَوْمًا مِنْ رَجَبَ سَقَاهُ اللهُ مِنْ ذَلِكَ النَّهْرِ
Artosipun: Sebenere nang jero Surga ono sungai sing jenenge Rajab. Werno banyune luwih putih tinimbang susu lan rasane luwih legi tinimbang madu. Sopo wonge poso sedino nang sasi Rajab, mongko Allah bakal ngewehi ngombe soko sungai Rajab.
BACA HALAMAN BERIKUTNYA..
