Lebet Islam, mboten wonten sasi utawi wekdal ingkang mbekta kesialan utawi kabegjan. Sejatosipun sadayaning kabegjan lan kesialan bergantung wonten ing kersanipun Allah swt, sanes ing sasi utawi tanggal tertamtu.
Langkung tebih malih, Islam mucalaken dhateng umatipun menawi nasib sae utawi awon dugi saking allah, sanes saking sasi utawi lampahan tertamtu salami sasi tertamtu.
Ma’asyiral muslimin rahimakumullah
Pramila, penting sanget kangge umat Islam supados nebihaken dhiri saking keyakinan utawi praktik-praktik ingkang bertentangan kaliyan wucalan agami lan ngandelaken Allah lebet sedaya aspek gesang.
Bab puniko ditegaskan langsung dening Rasulullah lebet hadits riwayat imam bukhari, menawi mboten wonten kesialan lebeting sasi sapar.
لا عَدْوَى ولا طِيَرَةَ ولا هَامةَ ولا صَفَرَ وفِرَّ من المَجْذُومِ كما تَفِرُّ من الأَسَد
Artosipun: “ora ono penyakit nular, ora ono ramalan olo, ora ono kesialan amargo manuk hammah, ora ono apes sasi sapar, lan mlayua siro soko penyakit kusta koyo siro mlayu soko singo” (Hr. Bukhari).
Ma’asyiral muslimin rahimakumullah
Bab puniko cocok kaliyan Abdurrauf al-Munawiy lebeting kitab Faidh al-Qadir, jilid i, Halaman 62 ingkang ngemutaken menawi sadayaning dinten inggih puniko gadhahipun allah lan mboten wonten manfaat utawi bebaya lebet ngaitaken dinten tertamtu kaliyan kesialan utawi keyakinan peramal.
وَالْحَاصِلُ أَنَّ تَوَقِّيَ يَوْمِ الْأَرْبِعَاءِ عَلَى جِهَةِ الطِّيَرَةِ وَطَنِّ اعْتِقَادِ الْمُنَجِّمِيْنَ حَرَامٌ شَدِيْدَ التَّحْرِيْمِ إِذِ الْأَيَّامُ كُلُّهَا للهِ تَعَالَى لَا تَضُرُّ وَلَا تَنْفَعُ بِذَاتِهَا وَبِدُوْنِ ذَلِكَ لَا ضَيْرَ وَلَا مَحْذُوْرَ وَمَنْ تَطَيَّرَ حَاقَتْ بِهِ نَحْوَسَتُهُ وَمَنْ أَيْقَنَ بِأّنَّهُ لَا يَضُرُّ وَلَا يَنْفَعُ إِلَّا اللهُ لَمْ يُؤَثِّرْ فِيْهِ شَيْءٌ مِنْ ذَلِكَ
Artosipun: “lan ingkang angsal dipunsimpulaken inggih puniko menawi kangge ngendhani dinten rebo kaliyan nganggep sial lan numuti keyakinan peramal inggih puniko dilarang sanget, amargi sadayaning dinten inggih puniko gadhahipun Allah ingkang Maha inggil. Menawi sanes sebab ing inggil, mila mboten punapa-punapa lan mboten dilarang. Sinten mawon percados mitos awon, mila kejadian awon saestu badhe kedadean. Sinten mawon ingkang percados bilih mboten wonten bebaya lan manfaat kejawi Allah, mila mboten badhe kedados kalih piyambakipun keburukan kasebat.”
Ma’asyiral muslimin rahimakumullah
Lajeng ingkang dados pertanyaan inggih puniko tradisi rebo wekasan sampun dados tradisi budaya ing Indonesia ngantos wekdal puniko. Tradisi puniko termasuk bentuk kearifan lokal ingkang dados tilaran saking mbah moyang rumiyin. Kahanan kadose mekaten dospundi menurut agami Islam?
Imam Abdurrauf al-Munawiy lebeting kitab Faidh al-qadir, jilid i, halaman 62 sampun mangsuli kaliyan sae. Menawi tradisi amalan ingkang dipun-lampahi lebet rebo wekasan sejatosipun angsal, ananging kaliyan niat ingkang sae lan leres. Inggih puniko amalan ingkang dipun-lampahi sanes keranten dinten rebo utawi sasi sapar puniku sasi sial, nanging langkung dhateng amalan ingkang nyaketaken dhiri dhateng Allah.
Upaminipun, badhe bertaubat, sanes amargi ajrih sial rebo wekasan, nanging amargi mensucikan dhiri saking dosa. Naliko shalat, niat mawon kangge shalat hajat.
BACA HALAMAN BERIKUTNYA..
