خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ
Artosipun: Ngalapo sifat ngapuro, lan perintaho kelawan kesaenan, lan ngadohono saking wong bodoh (Al-A’raf, 199)
Wonten tafsir Al-Muyassar dipun jelasaken bilih Kanjeng Nabi lan umat Islam dipun perintah supados nggadah sifat pengapuro ingkang dados cirine tiyang Islam, lan ngajak ngelampahi perkawis ingkang sae sakmampune, mboten bade paring perintah abot, lan nebihi kelakuan ugi persulayaane tiyang-tiyang bodoh.
اللهُ أَكْبَرُ اللهُ أَكْبَرُ اللهُ أَكْبَرُ لاَ إِلهَ إِلاَّ اللهُ، وَاللهُ أَكْبَرُ، اللهُ أَكْبَرُ وَلِلّٰهِ اْلحَمْدُ
Hadirin Jamaah Idul Fitri Rahimakumullah
Sakmangke kito sami bebungah ing dinten riyadin, setunggale dinten ingkang istimewa kagem nepung sanak raket (silaturrahim) dateng tiyang sepah, sederek, tetanggi. Tentu mboten prayogi menawi dinten riyadin dipun isi sesatru, persulayan, bendon-binendon. Pramilo Kanjeng Nabi sampun ngimutaken dumateng kito supados nggatiaken silaturahim:
مَن كانَ يُؤْمِنُ بِاللَّهِ واليَوْمِ الآخِرِ فَلْيُكْرِمْ ضَيْفَهُ، ومَن كانَ يُؤْمِنُ بِاللَّهِ واليَوْمِ الآخِرِ فَلْيَصِلْ رَحِمَهُ، ومَن كانَ يُؤْمِنُ بِاللَّهِ واليَوْمِ الآخِرِ فَلْيَقُلْ خَيْرًا أوْ لِيَصْمُتْ
Artosipun: Sopo wonge iman marang Gusti Allah lan dino kiamat, mongko becik mulyakno tamune, lan sopo wonge iman marang Gusti Allah lan dino kiamat, mongko nepungo sanak raket/ silaturahim, lan sopo wonge iman marang Gusti Allah lan dino kiamat, mongko becik ngucapo bagus utawo becik mendel (HR. Bukhari)
Imam Qastalani mertelaaken wonten kitab Irsyadus Sari, hadis kasebat kaitane kaliyan tiyang mukmin ingkang saget dipun wastani nggadahi keimanan sampurno nalikane saget mulyaaken tamu, silaturahim/ nepung sanak raket lan ucapane bagus, utowo mendel menawi ucapane mboten wonten faidahe.
Hadis meniko estu cocok kaliyan kondisi riyadin sakmangke, kranten katah tiyang sami mudik tumuju kampunge piyambak-piyambak saperlu kepanggih lan sungkem dumateng tiyang sepah, sederek lan tetanggi. Nopo maleh, nalikane ditekani tonggo, sederek ingkang bade riyadin, kito kedah mulyaaken kanti sae, ngucap kelawan sae. Misale, naliko kempal wonten ndalem, utowo kepanggih tiyang lintu, kito kedah ngucap kanti bagus, nyumanggaken kanti sae, ampun ngantos nyebabaken penggalihe gelo, duko. Setunggale hadis ngimutaken:
BACA HALAMAN BERIKUTNYA..
