عَنْ جابِرٍ، قالَ: جاءَ رَجُلٌ إلى رَسُولِ اللَّهِ ﷺ، فَقالَ: يا رَسُولَ اللَّهِ، أيُّ الإسْلامِ أفْضَلُ؟ قالَ: أنْ يَسْلَمَ المُسْلِمُونَ مِن لِسانِكَ ويَدِكَ
Artosipun: Dipun riwayataken saking Jabir, piyambake ngucap: wonten tiyang jaler sowan marang Kanjeng Nabi, lajeng tanglet: Duh Kanjeng Nabi, kados pundi Islam ingkang paling sae?, Kanjeng Nabi dawuh: nyelametaken wong Islam saking lisan lan tangan siro. (Syarh Sunnah lil Baghawi)
اللهُ أَكْبَرُ اللهُ أَكْبَرُ اللهُ أَكْبَرُ لاَ إِلهَ إِلاَّ اللهُ، وَاللهُ أَكْبَرُ، اللهُ أَكْبَرُ وَلِلّٰهِ اْلحَمْدُ
Jamaah Idul Fitri Ingkang Bahagio
Poso Romadhon sampun kito lampahi sareng-sareng, lan saking poso niki kito saget ngelatih penggaleh supados dados tiyang ingkang sabar lan gampang ngapuro marang tiyang lintu. Wonten surat Al-Baqarah ayat 153 dipun dawuhaken:
يَا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ ۚ إِنَّ اللَّهَ مَعَ الصَّابِرِينَ
Artosipun: Hei wongkang podo iman, amrih pitulungo siro kabeh (dumateng Gusti Allah) kelawan sifat sabar lan shalat, saktemene Gusti Allah sertane wongkang podo sabar.
Ayat meniko negesaken bilih tiyang iman niku dipun perintah nyuwun pitulung marang Gusti Allah, supados diparingi sifat sabar ingatase nebihi pendamelan maksiat, duso, lan sedoyo cubo ingkang dipun adepi. Lan dipun paringi ajeg shalat amergi saget nyegah tindak lampah awon. Ringkese, tiyang ingkang ngelampahi sabar disarengi pitulunge Gusti Allah lan tiyang ingkang sabar niku tengerane gampang ngapuro marang tiyang lintu, nopo maleh wonten dinten riyadin ingkang mulyo puniko.
اللهُ أَكْبَرُ اللهُ أَكْبَرُ اللهُ أَكْبَرُ لاَ إِلهَ إِلاَّ اللهُ، وَاللهُ أَكْبَرُ، اللهُ أَكْبَرُ وَلِلّٰهِ اْلحَمْدُ
Hadirin Jamaah Idul Fitri Ingkang Minulyo
Sifat sabar dipun ngendikaaken Kanjeng Nabi:
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ عَجَبًا لِأَمْرِ الْمُؤْمِنِ إِنَّ أَمْرَهُ كُلَّهُ خَيْرٌ وَلَيْسَ ذَاكَ لِأَحَدٍ إِلَّا لِلْمُؤْمِنِ إِنْ أَصَابَتْهُ سَرَّاءُ شَكَرَ فَكَانَ خَيْرًا لَهُ وَإِنْ أَصَابَتْهُ ضَرَّاءُ صَبَرَ فَكَانَ خَيْرًا لَهُ
Artosipun: Rasulullah ngendiko: Takjub tenan ingsun marang perkarane wong mukmin, saktemene sekabehane perkarane wong mukmin iku apik lan ora onok wong liyo kang nduweni kejobo wong mukmin; naliko merkoleh kesenengan, mongko syukur lan iku apik tumrap piyambake; naliko ketimpo musibah, mongko sabar lan iku apik tumrap piyambake (HR. Muslim)
BACA HALAMAN BERIKUTNYA..
