Imam As-Suyuti wonten kitab Husnul Maqshad fi ‘Amali al-Maulid nyebataken bilih wonten sekawan hikmah kengeng menopo Rosulalloh saw dipun lahiraken wonten dinten Senin wulan Robiul Awwal:
Sepisan, Wonten hadits ingkang nerangaken bilih dinten Senin Alloh nyiptaaken wit-witan (pohon). Meniko dados pertondo bilih Alloh nyiptaaken bahan makanan, rizki, buah-buahan tuwin sedoyo kesaenan dipun parengaken dateng sedoyo manungso kagem sumber kehidupanipun.
Kalih, Arti Robi’ meniko musim semi. Meniko dados inspirasi kados pendapatipun Abdurrohman As-Soqli engkang berpendapat bilih saben-saben nami meniko ngasto arti filosofi piyambak.
Tigo, Wulan Robiul Awwal meniko musim ingkang paling tenang tuwin paling nyaman cuacanipun. Semanten ugi syariatipun kanjeng nabi Muhammad saw meniko paling moderat tuwin mathuk dateng kondisi nopo kemawon.
Sekawan, Alloh moho wicaksono bade mulyaaken wulan kelahiran nabi Muhammad. Saumpami nabi Muhammad lahir wonten wulan Romadhon misalipun, mengke tiyang-tyang nganggep bilih kemulyaanipun Nabi meniko sebab lahir wonten wulan ingkang mulyo.
Sekawan hikmah meniko dados rahasia tersendiri kagem kanjeng nabi soho umatipun supados terus bersemi, terus bangkit saking keterpurukan tuwin saget berubah dados langkung sae.
Ma’asyiral muslimin, rahimakumullah…
Miturut pandangan sejarah, Poro sejarahwan sepakat bilih peringatan maulid Nabi pertama kali dipun gelar dening Raja Irbil Irak, Mudzaffar Abu Said Al- Kukburi bin Zainuddin Ali bin Buktikin (wafat. 630 H / 1232 M). Rojo ingkang cerdas, ahli strategi pemerintahan, dermawan, ‘alim dan wicaksono.
Naliko semonten pemerintahanipun kirang stabil, poro rakyat kathah ingkang sami nilaraken syariat agomo, akhlakipun sami risak, kerusuhan-kerusuhan tuwin kemaksiatan-kemaksiatan milai merajalela.
Raja Mudzaffar anggadahi gagasan utawi ide ngawontenaken peringatan Maulid nabi saben wulan Robi’ul Awwal sareng-sareng kaliyan sedoyo elemen masyarakat, tokoh-tokoh tuwin rakyat jelata lan sak andahanipun.
BACA HALAMAN BERIKUTNYA..
